گازاداعى جاعداي كۇن سايىن ناشارلاۋدا، دەپ حابارلايدى "ادىرنا" ءتىلشىسى rbc-عا سىلتەپ.
گازاداعى اۋرۋحانالاردا بالالارعا ورىن تاپشىلىعى بايقالۋدا. ال ناۋقاستاردى ەمدەۋ ءۇشىن مەديتسينالىق پرەپاراتتار جەتىسپەيدى.
ددسۇ-نىڭ حابارلاۋىنشا 5 جاسقا دەيىنگى بالالاردىڭ 0,8 پايىزى دۇرىس تاماقتانباۋدىڭ كەسىرىنەن قاتتى زارداپ شەگىپ وتىر. سەبەبى قاقتىعىس سالدارىنان ازىق-تۇلىك تە ازدىق ەتىپ جاتىر. ال اق حالاتتىلار بالالاردىڭ تويىپ تاماق ىشپەۋى ءتۇرلى اۋرۋعا اكەپ سوعۋى مۇمكىن ەكەنىن ايتادى.
"بالالاردىڭ اشقۇرساق ءجۇرۋى ءولىم سانىن ارتتىرۋدا. ءار بالا كۇنىنە 3 مەزگىل تاماقتانۋى ءتيىس. الايدا مۇندا ولار تاۋلىگىنە ءبىر رەت اس تۇتىنعانىنا تاۋبە ەتەدى", - دەيدى دارىگەرلەر.
بۇۇ يزرايل تاراپىنىڭ اۋرۋحانادا ەمدەلىپ جاتقان 200-گە جۋىق ادامعا وق جاۋدىرعانىن حابارلادى. حالىقارالىق قاۋىمداستىقتار ءيزرايلدىڭ شابۋىلىنان كەيىن اۋە جولىمەن پاراشيۋت ارقىلى ازىق-تۇلىك جەتكىزۋگە كىرىستى.
اقش پرەزيدەنتى دجو بايدەن جۇك جەتكىزۋدىڭ قيىندىعىنا قاراماستان امالىن تاۋىپ، ايماققا قالايدا كومەك كىرگىزەتىنىن مالىمدەگەن.
"كوبىرەك ىستەۋ كەرەك بولسا اقش كوپ نارسەنى جاسايدى. الداعى كۇندەرى ءبىز يوردانياداعى دوستارىمىزبەن جانە باسقالارمەن بىرگە ۋكرايناعا قوسىمشا ازىق-تۇلىك پەن كەرەك جاراقتاردى اۋا ارقىلى-اق قامتاماسىز ەتەمىز", - دەدى ول گازا سەكتورىن ۋكراينامەن شاتاستىرىپ.
