سولتۇستىك قازاقستان وبلىسى ءماسليحاتىنىڭ دەپۋتاتى پاۆەل بۋلاەۆ ەكى جىل ىشىندە 258 ميلليون تەڭگەنى جىمقىردى دەگەن كۇدىككە ءىلىندى، دەپ حابارلايدى "الىرنا" ۇلتتىق پورتالى.
«سولتۇستىك قازاقستان وبلىسى بويىنشا سىبايلاس جەمقورلىققا قارسى قىزمەت پەتروپاۆل قالاسى اكىمدىگىنىڭ «تازالاۋ، سۋ بۇرۋ جانە سۋ وتكىزۋ قۇرىلىستارى» پۆح» مكقك باسشىسى مەن ونىڭ ورىنباسارىنا قاتىستى سوتقا دەيىنگى تەرگەپ-تەكسەرۋدى باستادى»، - دەدى سىبايلاس جەمقورلىققا قارسى ءىس-قيمىل اگەنتتىگىنىڭ وكىلى ارمان تىلەۋكەنوۆ.
بۋلاەۆ دەپۋتاتتىق قىزمەتىنەن باسقا، «درەناجدىق تازالاۋ جانە سۋ وتكىزگىش قۇرىلىستار» پۆح مەملەكەتتىك كوممۋنالدىق كاسىپورنىنىڭ باسشىسى بولىپ جۇمىس ىستەيدى. ول جانە ونىڭ ورىنباسارى 2020-2022 جىلدار ارالىعىندا ەنشىلەس كاسىپورىندارمەن جاڭبىر سۋىنىڭ جەلىلەرىن رەكونسترۋكتسيالاۋعا، سورعى ستانتسيالارىن جوندەۋگە جانە ارنايى تەحنيكانى جالعا بەرۋ قىزمەتىن كورسەتۋگە جالعان كەلىسىم-شارتتار جاساسۋ ارقىلى جالپى سوماسى 258 ميلليون تەڭگە بيۋدجەت قاراجاتىن جىمقىردى دەگەن كۇدىككە ءىلىندى.
