بۇگىن - قازاقستاننىڭ ءبىرىنشى جانە سوڭعى ۆيتسە-پرەزيدەنتى ەرىك اسانباەۆتىڭ تۋعان كۇنى، دەپ حابارلايدى "ادىرنا" ءتىلشىسى.
ەرىك ماعزۇمۇلى قوستاناي وبلىسىنىڭ تۋماسى. ول 1936 جىلى 10 ناۋرىز كۇنى ومىرگە كەلگەن.
قازاقستاننىڭ مەملەكەت قايراتكەرى، ديپلومات، ەكونوميكا عىلىمدارىنىڭ دوكتورى 1959–1967 جىلى قازمۋ (قازۇۋ)-دا، ودان بولەك ماسكەۋ قارجى ينستيتۋتىندا، قازاق كسر-ءى مەملەكەت جوسپارلاۋ كوميتەتىنىڭ عىلىم-زەرتتەۋ ينستيتۋتىندا، قازاق كسر-ءى قارجى مينيسترلىگى جۇيەسىندە ەڭبەك ەتكەن.
1991 جىلدان باستاپ قر-نىڭ ۆيتسە-پرەزيدەنتى بولىپ تاعايىندالدى. كەيىننەن 1994–1996 جىلى قر پرەزيدەنتى جانىنداعى ادام قۇقىقتارى جونىندەگى كوميسسيانىڭ توراعاسى قىزمەتىن اتقاردى. 1996 جىلى قىزمەتتىك وكىلى توقتاتىلىپ، سول جىلدىڭ اقپان ايىنان باستاپ 2000 جىلعا دەيىن قازاقستاننىڭ گەرمانياداعى توتەنشە جانە وكىلەتتى ەلشىسى بولىپ ەڭبەك ەتتى. تاۋەلسىزدىكتىڭ ىرگەتاسىن قالاۋعا ەڭبەك ەتكەن ازامات قازاقستان رەسپۋبليكاسىنىڭ گەرمانياداعى ەلشىسى قىزمەتىندە جۇرگەندە بەرلين قالاسىندا ابايعا كوشە اتىن بەرۋگە دە سەبەپكەرلەردىڭ ءبىرى بولعان.
ەلشىلىكتەن سوڭ ەرىك اسانباەۆ مەملەكەتتىك قىزمەتتەن شەتتەتىلگەن.
بىرنەشە ساياساتكەر قوعام قايراتكەرى تۋرالى پىكىر ءبىلدىرىپ، ءوز ەستەلىگىمەن بولىسكەن. سەرىكبولسىن ءابدىلدين “ازاتتىققا" بەرگەن سۇحباتىندا ەرىك اسانباەۆ تۋرالى:
"نازارباەۆقا قولىنان ءىس كەلەتىن ادامدار كەرەگى جوق. ال ۆيتسە-پرەزيدەنت اسانباەۆ «ولاي بولماسىن، بىلاي بولسىن» دەپ ءوز پىكىرىن ايتۋى ىقتيمال ەدى. ال قۇلاعىنا مازا بەرمەيتىن ونداي ادامدى نازارباەۆ جاقتىرمايدى. ءوز بەتىمەن جۇمىس بەرسە ول دا قاۋىپ، سول سەبەپتى شەتەلگە جىبەردى", - دەگەن.
"وتان" وردەنىمەن ماراپاتتالعان ءبىرىنشى جانە سوڭعى ۆيتسە-پرەزيدەنتى 68 جاسىندا 2004 جىلدىڭ 23 تامىزىندا ومىردەن وزدى.
