10 ناۋرىز كۇنى قۇتقارۋشىلار "الماتى-بىشكەك" رەسپۋبليكالىق ماڭىزى بار اۆتوجولىندا 30 شاقىرىم كولىك تىعىنى بولىپ، تۇرىپ قالعان كولىكتى ەۆاكۋاتسيالادى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
وقيعا الماتىدان 100 كم شاماسىنداي جەردە بولعان
“10 ناۋرىز ساعات 19:50–دە الماتى وبلىسىنىڭ جامبىل اۋدانىندا جول جامىلعىسىنىڭ ناشارلىعى سالدارىنان "الماتى-بىشكەك" رەسپۋبليكالىق ماڭىزى بار اۆتوجولىندا 30 شاقىرىمدىق كەپتەلىس پايدا بولعانى تۋرالى حابارلاما كەلىپ ءتۇستى. دالا جولىمەن وسى ۋچاسكەنى اينالىپ وتۋگە تىرىسقان 5 كولىكتىڭ جۇرگىزۋشىلەرى بالشىقتا قالىپ قويدى. وقيعا ورنىنا تجد مەن جاو 4 قىزمەتكەرى مەن تەحنيكاسى شىقتى. سونداي-اق، پد جانە "قازاۆتوجول" قىزمەتكەرلەرى جۇمىس ىستەدى”، دەلىنگەن حابارلامادا.
ساعات 02:55-تە 3 ادام، ونىڭ ىشىندە 1 بالا بار كولىك ەۆاكۋاتسيالاندى.
