مۇحتار تايجاننىڭ ۇلى سانجار تايجان پاريجدە قالىڭدىعىنا ۇسىنىس جاسادى. ولاردى فرانتسيا پرەزيدەنتى ەممانۋەل ماكروننىڭ ءوزى قۇتتىقتاعان. بۇل تۋرالى ول الەۋمەتتىك جەلىدەگى پاراقشاسىندا ءبولىستى، دەپ حابارلايدى “ادىرنا” ۇلتتىق پورتالى.
مۇحتار تايجاننىڭ ۇلى يلون ماسكتىڭ كومپانياسىندا جۇمىس ىستەيتىن جاس ينجەنەر.
"مەن سۇيىكتى قىزىما ۇسىنىس جاسادىم. فرانتسيا پرەزيدەنتى - ە. ماكرون بىرنەشە ساعاتتان كەيىن ءبىزدى قۇتتىقتادى", - دەپ جازدى سانجار تايجان.
ەكى جاستى قۇتتىقتاعان فرانتسيا پرەزيدەنتى ولاردىڭ ەلىن سۇرايدى. قازاقستان، پرەزيدەنت توقاەۆ دەپ جاۋاپ بەرگەن سانجارعا قازاق ەلىن بىلەتىنىن، قازاقستاندا بولعانىن ايتادى. سونىمەن قاتار، توقاەۆتىڭ سىيلاعان تازى كۇشىكتەرىن ەسىنە الادى.
ايتا كەتەيىك، بىلتىر قاراشا ايىندا مەملەكەت باسشىسىنىڭ شاقىرۋىمەن استاناعا ساپارمەن كەلگەن فرانتسيا پرەزيدەنتى "ەتنواۋىل" كورمەسىن ارالاپ كورىپ، قازاق حالقىنىڭ باي مادەني مۇراسىمەن تانىسقان ەدى. كورمە ورتالىعىن تاماشالاۋ بارىسىندا ەممانيۋەل ماكرونعا قازاقى تازىنىڭ تۇقىمى ەرەكشە ۇناعان بولاتىن. سول كەزدە قاسىم-جومارت توقاەۆ فرانتسيالىق ارىپتەسىنە تازى سىيلاۋعا ۋادە بەرگەن ەدى.
