قىرعىزستان پرەزيدەنتى سادىر جاپاروۆتىڭ تاپسىرماسى بويىنشا باق تۋرالى زاڭ جوباسى كەرى قايتارىپ الىندى. بۇل تۋرالى جاپاروۆتىڭ ءباسپاسوز حاتشىسى اسقات الاگوزوۆ مالىمدەدى، دەپ حابارلايدى “ادىرنا” ۇلتتىق پورتالى.
شىعارۋ تۋرالى شەشىمدى جاپاروۆ 7 ناۋرىزدا باق باسشىلارىمەن كەزدەسۋدەن كەيىن قابىلدادى.
«وتىرىس قورىتىندىسى بويىنشا باق وكىلدەرىنىڭ اقپاراتىن تىڭداپ، وسى زاڭ جوباسىنا قاتىستى ولاردان تۇسكەن ۇسىنىستاردى ەسكەرە وتىرىپ، پرەزيدەنت سادىر جاپاروۆ وسى زاڭ جوباسىن پىسىقتاۋدى تاپسىردى»، - دەدى الاگوزوۆ.
باق قىزمەتىن رەتتەيتىن زاڭ جوباسىن قىرعىزستان پرەزيدەنتىنىڭ اكىمشىلىگى ازىرلەدى.
ول جەلىلىك رەسۋرستارعا مەملەكەتتىك باقىلاۋدى كەڭەيتەدى جانە حالىقتىڭ «ادامگەرشىلىگى» مەن «دەنساۋلىعىنا» قاتىستى تۇسىنىكسىز تەرميندەرگە نەگىزدەلگەن مازمۇندى شەكتەيدى. زاڭ جوباسىن قابىلداۋعا، اتاپ ايتقاندا، Media Policy ينستيتۋتىنىڭ (IMP) ساراپشىلارى، ومبۋدسمەن ءجاميليا جامانباەۆا، بىرقاتار پارلامەنت دەپۋتاتتارى جانە حالىقارالىق ۇيىمدار قارسىلىق ءبىلدىردى. IMP زاڭ جوباسى قىرعىزستان كونستيتۋتسياسىنىڭ نورمالارىنا جانە ەل قاتىسۋشىسى بولىپ تابىلاتىن حالىقارالىق شارتتارعا قايشى كەلەتىنىن اتاپ ءوتتى.
