پرايمەريز قاتىسۋشىسى مەملەكەتتىك ءتىل تۋرالى زاڭدى مەنسىنبەيدى (ۆيدەو)

5813
Adyrna.kz Telegram

كەشە عانا پاۆلودار وبلىسىنىڭ ەكىباستۇز قالاسى جاستار باستامالارىن دامىتۋ ورتالىعىنىڭ باسشىسى مارال قاراگەسەكوۆانىڭ پرايمەريز دەباتىندا "مەملەكەتتىك ءتىلىمىز ەكەۋ" دەپ ايتقان ءسوزى جەلى قولدانۋشىلارى مەن بەلسەندى ازاماتتاردىڭ اشۋىن تۋدىرعان ەدى. "ادىرنا" ۇلتتىق پورتالى ەل ىشىنە ىرىتكى سالار مۇنداي ىستەردىڭ كوبەيە بەرۋى قوعامعا ورنىقسىزدىق اكەلەتىنىن ەسكەرە وتىرىپ، كەشە جاريالانعان اقپاراتتىڭ راستىعىن دالەلدەيتىن ۆيدەونى دا جاريالاۋدى ءجون كوردى.

"مەملەكەتتىك مەكەمەدە ەكى ءتىل قاتار جۇرەدى، بىلمەسەڭىز، ءبىلىپ الىڭىز" ەسەنبەك ساناتۇلى اتتى جەلى قولدانۋشىسى: "مەملەكەتتىك مەكەمەدە قىزمەت ەتەتىن باسشىنىڭ وسىنداي ساۋاتسىز بولۋى تاڭقالارلىق جاعداي. زاڭدى بىلمەيتىن شەنەۋنىك قىزمەتىنەن كەتسىن. نۇر وتان، ەكىباستۇز اكىمدىگى قايدا قاراپ وتىر؟ الدە ولاردا قازاقستاندا ەكى مەملەكەتتىك ءتىل بار دەپ ەسەپتەي مە؟ وبلىستىق مادەنيەت جانە تىلدەردى دامىتۋ، ارحيۆ ءىسى باسقارماسى باسشىسىنىڭ قۇلاعىنا ءداۋ التىن سىرعا", "ونىمەن قويماي ساياسي ساۋاتسىز شەنەۋنىك پرايمەريزگە قاتىسىپ جاتىر دەي مە؟ جەتىسكەن ەكەنبىز" دەپ پىكىر قالدىرىپتى.

سونىمەن قاتار، جەلى بەتىندە جەلدەي ەسكەن نارازى پىكىرلەر تىزبەگى تومەندەگىدەي:

ارداق جۇماعاليەۆا: "نۇر وتان" پارتياسىنىڭ جەتەكشىسى ماكراەۆ نياز قۇدايبەرگەنۇلى مىرزا مارال حانىمعا "توقتات!" دەپ دەر كەزىندە قولىمەن يشارا جاساپ توقتاتپاعاندا قانشاعا شاباتىنىن كىم بىلگەن؟! ابزال بولعاندا تەز تۇساۋ سالدى. كىرەرگە تەسىك تاپپادىق.

جانارگۇل قادىروۆا: ەكىباستۇز قالاسى جاستار باستامالارىن دامىتۋ ورتالىعىنىڭ باسشىسى مارال قاراگەسەكوۆانىڭ پرايمەريز دەباتىندا مەملەكەتتىك ءتىلىمىز ەكەۋ دەپ ايتقانىن ەستىپ، ۇندەمەي وتىرا المادىم. مۇنى بىرقاتار ءتىل جاناشىرلارى راستادى. الەۋمەتتىك جەلىدە پىكىر بىلدىرگەن مارال سياقتى قىزمەتكەرلەردىڭ دوستارىنىڭ "مەملەكەتتىك مەكەمەدە ەكى ءتىل قاتار جۇرەدى، بىلمەسەڭىز، ءبىلىپ الىڭىز" دەپ دىكىڭدەۋىنەن مەن كوپتەگەن ساۋاتسىز جاستاردىڭ مەملەكەتتىك ءتىل مارتەبەسىن ەكى ءتىلدىڭ قولدانىلۋ مۇمكىندىگىمەن شاتاستىرىپ جۇرگەنىن ۇقتىم. بۇل - تىلىمىزگە تونگەن قارا بۇلت! زاڭدى دۇرىس بىلمەيتىندەردى مەملەكەتتىك مەكەمەدەن الاستاتۋ كەرەك!

Bauyrzhan Serikbayev: مىنە، پرايمەريزدىڭ پايداسى دا ءتيدى.
ەركەجان كۇنتۋعانقىزى: وسى ەكىباستۇز جەكە ءبىر الەم! سوڭعى 6 اي شۋدان شۋ بۇل جاقتا! ءبىراز ورتالىقتان ادام جىبەرىپ، جونگە سالۋ كەرەك-اق ەكەن...
ارمان قويانباەۆ: مەملەكەتتىك ءتىلدى مەڭگەرمەگەن ادام مەملەكەتتىك قىزمەت ەتۋگە جارامسىز دەپ تانىلىپ، ءتىل ۇيرەنىپ كەلۋىنە مۇمكىندىك بەرۋ كەرەك!
ارداق جۇماعاليەۆا: “نۇر وتان” پارتياسىنىڭ جەتەكشىسى ماكراەۆ نياز قۇدايبەرگەنۇلى مىرزا مارال حانىمعا “توقتات” دەپ دەر كەزىندە قولىمەن يشارا جاساپ توقتاتپاعاندا قانشاعا شاباتىنىن كىم بىلگەن؟! ابزال بولعاندا تەز تۇساۋ سالدى. كىرەرگە تەسىك تاپپادىق.
سەرىك باقات: مەملەكەتتىك قىزمەتكەرلەر اراسىندا قىسقارتۋ بولادى دەپ ەدى. مىناۋ ادەمى ۆاريانت ەكەن.
مۇحامەتقالي زارىقۇلى: بۇل ناعىز ساۋاتسىز ادام ەكەن، مۇنداي ورىنعا قالاي كەلدى ەكەن؟ قازاقتىڭ ءتىلىن سيلاماسا مۇنداي كقرگەنسىزدەرگە مەملەكەتتىك مەكەمەنىڭ ءتورىن قويىپ بوساعاسىنان سىعالاتپاۋ كەرەك! جازالانسىن ورنىن بوساتسىن!
پىكىرلەر