"قازارناۋلىەكسپورت" (كازسپەتسەكسپورت) ەلەكتروندىق سايتىندا اسكەري تەحنيكالار مەن قارۋ-جاراقتار ساۋداعا شىعارىلدى، دەپ حابارلايدى "ادىرنا" ءتىلشىسى قازتاگ-قا سىلتەپ.
ساۋدالانىپ جاتقان قۇرالدار - تەحنيكالار ەسەپتەن شىعارىلعان اسكەري جابدىق.
باق-تا "قورعانىس مينيسترلىگى قارۋ-جاراقتارىن ساتۋدا" دەگەن اقپارات تاراپ، كۇدىك باسىم بولعان. الايدا قورعانىس مينيسترلىگى رەسمي اقپارات تاراتپاعان. سەبەبى ساۋداعا سالىنعان اسكەري مۇلىكتەردى "قازارناۋلىەكسپورت" رەسپۋبليكالىق مەملەكەتتىك كاسىپورنى ساتىپ جاتىر. ال ساۋدا الاڭى ونەركاسىپ جانە قۇرىلىس مينيسترلىگىنىڭ مەملەكەتتىك قورعانىستىق تاپسىرىس كوميتەتىنە باعىنادى.
كومپانيانىڭ سايتىندا:
"قر ۇكىمەتى قارۋلى كۇشتەردى، باسقا اسكەرلەردى جانە جاۋىنگەرلىك قۇرالىمداردى قامتاماسىز ەتۋ ماقساتىندا قۇردى جانە كاسىپورىن قارۋ-جاراق پەن اسكەري تەحنيكا، سونىمەن قاتار اسكەري مۇلىك يمپورتى مەن ەكسپورتى باعىتتارىندا جۇمىس جاسايدى", - دەلىنگەن.
ال ساتىپ الۋشىلاردان ءوتىنىش 19 ناۋرىزعا دەيىن قابىلدانادى.
مۇلىكتىڭ ۇلكەن بولىگى كەڭەس زامانىنان قالعان كونە كولىكتەر، مىسالى، ۆاز، گاز، زيل جانە باسقا دا جەڭىل، جۇك كولىكتەرى بولىپ كەلەدى.
مىسالى، 9 بىرلىك تەحنيكادان تۇراتىن تەحنيكالاردىڭ باستاپقى باعاسى - 8,3 ميلليون تەڭگە.
قازتاگ مالىمەتىنشە، قاراعاندى وبلىسىنداعى اسكەري ءبولىمنىڭ 11 اسكەري ۇشاعىن – 230,5 ميلليون تەڭگەگە، سەمەيدەگى اسكەري ءبولىمنىڭ 10 ۇشاعىن – 358,3 ميلليون تەڭگەگە، شىمكەنتتەگى اسكەري ءبولىم 15 ۇشاعىن – 194,8 ميلليون تەڭگەگە باعالانىپ وتىر.
