"Qazarnaýlyeksport" (Kazspeeksport) elektrondyq saıtynda áskerı tehnıkalar men qarý-jaraqtar saýdaǵa shyǵaryldy, dep habarlaıdy "Adyrna" tilshisi QazTag-qa siltep.
Saýdalanyp jatqan quraldar - tehnıkalar esepten shyǵarylǵan áskerı jabdyq.
BAQ-ta "Qorǵanys mınıstrligi qarý-jaraqtaryn satýda" degen aqparat tarap, kúdik basym bolǵan. Alaıda Qorǵanys mınıstrligi resmı aqparat taratpaǵan. Sebebi saýdaǵa salynǵan áskerı múlikterdi "Qazarnaýlyeksport" respýblıkalyq memlekettik kásiporny satyp jatyr. Al saýda alańy Ónerkásip jáne qurylys mınıstrliginiń Memlekettik qorǵanystyq tapsyrys komıtetine baǵynady.
Kompanııanyń saıtynda:
"QR Úkimeti Qarýly kúshterdi, basqa áskerlerdi jáne jaýyngerlik quralymdardy qamtamasyz etý maqsatynda qurdy jáne kásiporyn qarý-jaraq pen áskerı tehnıka, sonymen qatar áskerı múlik ımporty men eksporty baǵyttarynda jumys jasaıdy", - delingen.
Al satyp alýshylardan ótinish 19 naýryzǵa deıin qabyldanady.
Múliktiń úlken bóligi keńes zamanynan qalǵan kóne kólikter, mysaly, VAZ, GAZ, ZIL jáne basqa da jeńil, júk kólikteri bolyp keledi.
Mysaly, 9 birlik tehnıkadan turatyn tehnıkalardyń bastapqy baǵasy - 8,3 mıllıon teńge.
QazTAG málimetinshe, Qaraǵandy oblysyndaǵy áskerı bólimniń 11 áskerı ushaǵyn – 230,5 mıllıon teńgege, Semeıdegi áskerı bólimniń 10 ushaǵyn – 358,3 mıllıon teńgege, Shymkenttegi áskerı bólim 15 ushaǵyn – 194,8 mıllıon teńgege baǵalanyp otyr.
