Foto: Sanva
Qazaqstannyŋ Qorǧanys ministrlıgı äskeri ūşqyşsyz ūşaqtar öndırısın bastau mümkındıgın qarastyryp jatqanyn rastady, dep habarlaidy “Adyrna”.
Qorǧanys ministrınıŋ orynbasary Asqar Mūstabekov jurnalisterge bergen sūhbatynda Türkiianyŋ Baykar Defence kompaniiasymen aldyn ala kelısımder jasalǧanyn aitty. Joba qazırgı uaqytta pysyqtalu üstınde.
«Bairaqtar» boiynşa bızde kelısım bar. Qazır joba zerttelıp jatyr. Jaqyn arada būl mäsele şeşımın tabady degen oidamyn», — dedı ol Senattyŋ kuluarlarynda.
Jurnalister AQŞ, İran, Ukraina jäne Resei äskerlerınıŋ täjıribesın de atap öttı. Būl elderde ırı ūşqyşsyz ūşaqtarmen qatar, kışıgırım drondar da joǧary tiımdılık körsettı. Mūstabekov Qazaqstan da osyndai apparattardy öndırudı damytu mümkındıgın qarastyryp jatqanyn rastady.
«Eger qarjylandyru JIÖ-nıŋ 1%-yna jetetın bolsa, būl baǧytta jūmystar jürgızıledı. Josparlar bar, bıraq aqparattyŋ jabyq sipatyna bailanysty egjei-tegjeilerdı aşuǧa bolmaidy», — dep atap öttı ol.
Osylaişa, Qazaqstan soqqy beretın jäne barlau jürgızetın ūşqyşsyz ūşaqtar, sonyŋ ışınde kamikadze drondaryn öndıru boiynşa özınıŋ bazasyn qūruǧa qadam basyp otyr.
