فوتو: سanva
قازاقستاننىڭ قورعانىس مينيسترلىگى اسكەري ۇشقىشسىز ۇشاقتار ءوندىرىسىن باستاۋ مۇمكىندىگىن قاراستىرىپ جاتقانىن راستادى، دەپ حابارلايدى “ادىرنا”.
قورعانىس ءمينيسترىنىڭ ورىنباسارى اسقار مۇستابەكوۆ جۋرناليستەرگە بەرگەن سۇحباتىندا تۇركيانىڭ Baykar Defence كومپانياسىمەن الدىن الا كەلىسىمدەر جاسالعانىن ايتتى. جوبا قازىرگى ۋاقىتتا پىسىقتالۋ ۇستىندە.
«بايراقتار» بويىنشا بىزدە كەلىسىم بار. قازىر جوبا زەرتتەلىپ جاتىر. جاقىن ارادا بۇل ماسەلە شەشىمىن تابادى دەگەن ويدامىن»، — دەدى ول سەناتتىڭ كۋلۋارلارىندا.
جۋرناليستەر اقش، يران، ۋكراينا جانە رەسەي اسكەرلەرىنىڭ تاجىريبەسىن دە اتاپ ءوتتى. بۇل ەلدەردە ءىرى ۇشقىشسىز ۇشاقتارمەن قاتار، كىشىگىرىم دروندار دا جوعارى تيىمدىلىك كورسەتتى. مۇستابەكوۆ قازاقستان دا وسىنداي اپپاراتتاردى ءوندىرۋدى دامىتۋ مۇمكىندىگىن قاراستىرىپ جاتقانىن راستادى.
«ەگەر قارجىلاندىرۋ ءجىو-ءنىڭ 1%-ىنا جەتەتىن بولسا، بۇل باعىتتا جۇمىستار جۇرگىزىلەدى. جوسپارلار بار، بىراق اقپاراتتىڭ جابىق سيپاتىنا بايلانىستى ەگجەي-تەگجەيلەردى اشۋعا بولمايدى»، — دەپ اتاپ ءوتتى ول.
وسىلايشا، قازاقستان سوققى بەرەتىن جانە بارلاۋ جۇرگىزەتىن ۇشقىشسىز ۇشاقتار، سونىڭ ىشىندە كاميكادزە دروندارىن ءوندىرۋ بويىنشا ءوزىنىڭ بازاسىن قۇرۋعا قادام باسىپ وتىر.
