وسكەمەندە ەكى ادامنىڭ ءمايىتى تابىلدى، دەپ حابارلايدى "ادىرنا" ءتىلشىسى.
قالادا ءبىر كۇندە قالانىڭ ءار جەرىنەن ەكى ەر ادامنىڭ مۇردەسى تابىلعان.
وسكەمەندەگى قابانباي باتىر كوشەسىندە ويىن-ساۋىق مەكەمەسىنىڭ جانىنان ءبىر ەر ادامنىڭ ءمايىتى تابىلدى. الدىن الا دەرەك بويىنشا ول زورلىق-زومبىلىقپەن ولگەن بولۋى مۇمكىن.
"اتالعان فاكتى بويىنشا قىلمىستىق ءىس قوزعالىپ، كۇدىكتى ۇستالىپ، ۋاقىتشا ۇستاۋ يزولياتورىنا قامالدى، قاجەتتى ساراپتامالار تاعايىندالدى", – دەپ حابارلادى شقو ءىىد ءباسپاسوز قىزمەتى.
ەكىنشى ەر ادامنىڭ دەنەسى اباي داڭعىلىنان تابىلدى. مايىتتەن پىشاق جاراقاتىنىڭ ىزدەرى بولعان.
“كۇدىكتى انىقتالىپ، جەدەل تۇردە ۇستالىپ، ۋاقىتشا ۇستاۋ يزولياتورىنا جەتكىزىلدى. ايعاقتى زاتتار الىنىپ، قاجەتتى ساراپتامالار تاعايىندالدى. وقيعانىڭ بارلىق ءمان-جايى انىقتالىپ جاتىر”، – دەپ مالىمدەدى شقو پوليتسيا دەپارتامەنتىنىڭ ءباسپاسوز قىزمەتى.
