قاراعاندى وبلىسىندا بالالار جاپپاي كوكجوتەل جۇقتىرۋدا، دەپ حابارلايدى "ادىرنا" ءتىلشىسى كتك-عا سىلتەپ.
قاراعاندى وبلىسىندا بالالار اراسىندا كوكجوتەل جۇقتىرعاندار سانى ارتىپ بارادى.
ەكپە سالدىرماعاندار اراسىندا كوكجوتەل جاپپاي جۇقتىرۋدا. ءتىپى اۋرۋى اسقىنعان ءبىر ءبۇلدىرشىن جانساقتاۋ بولىمىنە جاتىر.
وبلىستا كوكجوتەل جۇقتىرعاندار وتكەن جىلدان بەرى تىركەلگەن. جىل باسىنان بەرى 48 بالا اۋىرعان. ال قازىر اۋرۋحانادا 6 بالا ەم الۋدا.
بالاعا قاتتى اسەر ەتەتىن كەسەل ورشىسە ادامدا وكپە قابىنىپ، اۋا جەتپەي، مي زاقىمدالۋى مۇمكىن.
ال ەكى جاسقا دەيىنگى بالا توقتاماي جوتەلسە، قابىرعاسى سىناتىن كورىنەدى. تىنىس الۋ جولدارى بىتەلسە، تەك جانساقتاۋ بولىمىندە ەمدەۋ كەرەك.
سوندىقتان دارىگەرلەر اۋرۋ بەلگىلەرى بايقالسا بىردەن كومەككە جۇگىنۋ كەرەكتىگىن ايتادى.
