قازاقستاننىڭ ەڭبەك سىڭىرگەن قايراتكەرى 196 ميلليون تەڭگەدەن استام قاراجاتتى زاڭسىز يەمدەندى دەگەن كۇدىككە ءىلىندى، دەپ حابارلايدى "ادىرنا" ءتىلشىسى.
ىشكى ىستەر مينيسترلىگى ينتەرپول ۇلتتىق بيۋروسىنىڭ سۇراۋى بويىنشا ىزدەۋدە بولعان اندرەي حازبۋلاتوۆ ارگەنتينادا ۇستالدى.
وعان وتكەن جىلدىڭ جازىندا قىلمىستىق كودەكستىڭ 189-بابىنىڭ 4-بولىگى “بوتەننىڭ مۇلكىن يەمدەنۋ نەمەسە جىمقىرۋ” بويىنشا حالىقارالىق ىزدەۋ جاريالاندى. استانا قالاسىنىڭ سىبايلاس جەمقورلىققا قارسى قىزمەتى حازبۋلاتوۆقا ىزدەۋ سالدى.
ايتا كەتەيىك، اندرەي حازبۋلاتوۆ – فيلوسوفيا عىلىمدارىنىڭ دوكتورى، قازاقستاننىڭ ەڭبەك سىڭىرگەن قايراتكەرى.
ول قازاقستاننىڭ 2050 جىلعا دەيىنگى مادەني ساياساتىنىڭ تۇجىرىمداماسى مەن "كينەماتوگرافيا تۋرالى" زاڭنىڭ اۆتورلارى مەن ازىرلەۋشىلەرىنىڭ ءبىرى. تۇركىستان قالاسىن دامىتۋعا رۇقسات بەرۋ قۇجاتتاماسىن دايىنداۋ بويىنشا يۋنەسكو-نىڭ حالىقارالىق ساراپتاۋ توبىنىڭ مۇشەسى بولعان.
