21-22 ناۋرىزدا ەلوردانىڭ بەس اۋدانىنىڭ تۇرعىن الاپتارىندا كونتسەرتتىك باعدارلامالار ءوتىپ جاتىر، دەپ حابارلايدى استانا اكىمدىگىنىڭ رەسمي سايتى.
مەرەكەلىك ءىس-شارالار كەزىندە ۇلتتىق سپورت تۇرلەرى بويىنشا جارىستار وتكىزىلەدى. ولار اسىق اتۋ، قول كۇرەسى، ارقان تارتۋ، گىر كوتەرۋ جانە ت.ب. مىقتى تۇرلەردەن سىنعا تۇسەدى.
ەسىل اۋدانى بويىنشا مەرەكەلىك باعدارلاما ساعات 12.00-دەن 14.00-گە دەيىن پريگورودنىي تۇرعىن الابىندا، ارناساي كوشەسى، 127 مەكەنجايىندا ورنالاسقان №24 ورتا مەكتەبىندە ءوتتى.
نۇرا اۋدانىندا ۇركەر تۇرعىن الابىنداعى ايعىرجال كوشەسىندە ورنالاسقان سكۆەردە ارنايى كونتسەرت ءوتتى.
سارىارقا اۋدانى بويىنشا كوكتال ساياباعىندا ۇيىمداستىرىلدى.
الماتى اۋدانى بويىنشا تۇرعىن ءۇي الاپتارىنىڭ تۇرعىندارى ينتەرناتسيونالنىي، ميچۋرينو، تەمىرجولشىلار، پرومىشلەننىي جانە كۇيگەنجار تۇرعىن ءۇي الاپتارىندا مەرەكەلىك باعدارلامانى تاماشالادى.
بايقوڭىر اۋدانى بويىنشا اشىق اسپان استىنداعى ءىس-شارالار مىناداي ورىنداردا ءوتىپ جاتىر: قازقالاشىق، №55 مەكتەپ اۋماعىندا، جەزكيىك كوشەسى، 19 مەكەنجايىنداعى ورتالىق الاڭدا; كەنشىلەر كوشەسى، 5 مەكەنجايىنداعى ورتالىق الاڭدا; سونداي-اق قوياندى ساياجاي الابىندا.
ءىس-شارالار قالانىڭ بارلىق ءىرى اشىق الاڭدارىندا وتكىزىلەدى. ناۋرىزنامنىڭ ونكۇندىگى اياسىندا قالادا 200-دەن استام ءىس-شارا ۇيىمداستىرىلىپ جاتىر.
قالا تۇرعىندارىنىڭ باستاماسىمەن اۋلالاردا كيىز ۇيلەر تىگىپ، داستارحان جايىلدى. قوناقتارعا ساماۋرىن شايى، ىستىق باۋىرساق پەن پالاۋ ۇسىنىلدى.
