استانا كۇنىنە ارنالعان مەرەكەلىك باعدارلاما اياسىندا «قازاق ەلى» مونۋمەنتى الاڭىندا اشىق اسپان استىندا «Jastar Energy» جاستار كونتسەرتى ۇيىمداستىرىلدى.
ءىس-شارانىڭ ماقساتى — جاستار شىعارماشىلىعىن قولداۋ، زاماناۋي ونەردى ناسيحاتتاۋ جانە مادەني بەلسەندىلىكتى ارتتىرۋ. كونتسەرت اياسىندا كورەرمەندەرگە تانىمال ورىنداۋشىلار مەن جاس تالانتتاردىڭ قاتىسۋىمەن مۋزىكالىق قويىلىمدار ۇسىنىلدى.
ساحنادا قازاقستان ەستراداسىنىڭ جارقىن وكىلدەرى ونەر كورسەتتى. ولاردىڭ قاتارىندا ميراس جۇگۇنىسوۆ، ارتۋر، ەرلان قاناتۇلى، Madistation, Jazzdauren, سەيفۋللين جولبارىس، ايگۇل يمانباەۆا، عادىلبەك جاناي، «دوس» توبى، دوسىمجان تاناتاروۆ، نۇرلان مەن مۇرات سىندى تانىمال ارتىستەر بار.
«Jastar Energy» – بۇل تەك كونتسەرت قانا ەمەس، ەلوردالىق جاستاردىڭ شىعارماشىلىق الەۋەتىن تانىتاتىن الاڭ، جاڭا يدەيالار مەن مۇمكىندىكتەر توعىسقان مادەني الاڭ بولدى. ءىس-شارا زاماناۋي فورماتىمەن ەرەكشەلەنىپ، ەلوردا تۇرعىندارىنا مەرەكەلىك كوڭىل كۇي مەن جاعىمدى ەموتسيالار سىيلادى.
