ماسكەۋدەگى "كروكۋس سيتي حوللداعى" تەراكت سالدارىنان قازا تاپقاندار سانى 115-كە جەتتى، دەپ حابارلايدى “ادىرنا” ۇلتتىق پورتالى رەسەيدىڭ تەرگەۋ كوميتەتىنىڭ اقپاراتىنا سىلتەپ.
«قازىر قازا تاپقاندار سانى 115-كە جەتتى»، - دەلىنگەن سەنبى كۇنگى مالىمدەمەدە.
ەستەرىڭىزگە سالا كەتەيىك، 22 ناۋرىز كۇنى كەشكە رەسەيدىڭ "كروكۋس سيتي حوللىندا" بەلگىسىز بىرەۋلەر ءىرى تەراكت جاساعان بولاتىن. الدىن الا مالىمەت بويىنشا، ونداعان ادام قازا تاۋىپ، 100-دەن استامى جارالانعان. كروكۋس سيتي حوللداعى تەراكتىگە بايلانىستى قازاقستان ازاماتتارى ءۇشىن سەنىم تەلەفونى اشىلدى. پرەزيدەنت قاسىم-جومارت توقاەۆ قازاقستان اتىنان ماسكەۋدەگى "كروكۋس سيتي حوللداعى" لاڭكەستىك ارەكەتتى قاتاڭ ايىپتادى. ايتا كەتەيىك، ۋكراينا لاڭكەستىك ارەكەتكە قاتىسى جوقتىعىن بىردەن ءمالىم ەتتى.
ۇقساس جاڭالىقتار
