رەسەيدەگى "كروكۋس سيتي حولل" كونتسەرت زالىنىڭ يەسى اراز اگالاروۆ العاش رەت كونتسەرت زالىندا بولعان لاڭكەستىككە قاتىستى پىكىر ءبىلدىردى. بۇل تۋرالى ول ربك تەلەارناسىنا بەرگەن سۇحباتىندا ايتقان، دەپ حابارلايدى “ادىرنا” ۇلتتىق پورتالى.
اراز اگالاروۆ وقيعانى جالپى ادامزاتتىق قۇندىلىقتار تۇرعىسىنان تۇسىندىرۋگە كەلمەيتىنىن جانە لاڭكەستىك ارەكەت قۇرباندارىنىڭ وتباسىلارىنا كوڭىل ايتتى.
سونىمەن قاتار ول تەراكت كەزىندەگى كۇزەتشىنىڭ قازاسى تۋرالى دا حابارلادى. ونىڭ ايتۋىنشا، لاڭكەستەر زالعا ەسىكتەن ەمەس، كورشىلەس كورمە ورتالىعىنىڭ تەرەزەسى ارقىلى كىرگەن.
"اۆتوماتتارمەن بەتپە-بەت كەلگەن جانە كورگەندەرىنىڭ ءبارىن اتا باستاعان. بارلىق ادامعا، ونىڭ ىشىندە كۇزەتشىلەرگە وق جاۋدىردى. ءبىر كۇزەتشى قازا تاپتى، ەكىنشىسى جارالاندى. بۇل ءتىپتى كۇزەتشى ەمەس. ءبىز ولاردى "باقىلاۋشى" دەپ اتايمىز", – دەدى Crocus Group كومپانيالار توبىنىڭ پرەزيدەنتى جانە يەسى.
ەستەرىڭىزگە سالا كەتەيىك، 22 ناۋرىزدا ماسكەۋ تۇبىندەگى Crocus City Hall عيماراتىندا تەراكت بولدى. مۋزىكالىق توپتىڭ كونتسەرتىنە مىڭداعان ادام كەلدى. الدىن الا مالىمەتتەر بويىنشا، عيماراتقا بەتپەردەسىز كامۋفلياج كيگەن بەلگىسىز ءۇش ەر ادام كىرىپ، ادامداردى وق اتۋعا كىرىسكەن.
ماسكەۋ وبلىسىنىڭ دەنساۋلىق ساقتاۋ مينيسترلىگى لاڭكەستىك ارەكەتتەن ءۇش بالانىڭ قازا تاپقانىن حابارلادى. جالپى، رەسەيدىڭ تەرگەۋ كوميتەتىنىڭ مالىمەتىنشە، Crocus City Hall-دا بولعان تەراكتىدە قازا تاپقاندار سانى 130-دان استام.
