تاۋەلسىز ءدىن زەرتتەۋشىسى تۇراربەك قۇسايىنۇلى قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي تاعانۇلىنا ۇسىنىس ايتتى. ول ءپىتىر-ساداقادان تۇسكەن اقشانى سۋدان زارداپ شەككەندەرگە اۋدارۋ كەرەك، دەدى ءوزىنىڭ فەيسبۋك پاراقشاسىندا.
“قۇرمەتتى ناۋرىزباي تاعانۇلى!
رامازان ايىندا قازاقستاندا ءوزىن مۇسىلمان سانايتىن 8 ميلليونداي ادام ءمۇفتيات بەلگىلەگەن 640 تەڭگەنى مەشىتكە ءپىتىر-ساداقا رەتىندە بەرسە، قمدب-عا بەس ميللياردتان استام قارجى تۇسەدى ەكەن.
انىعىندا ەگەر بۇعان اۋقاتتى ءھام قالتالى مۇسىلماندار بەرەتىن زەكەتتى قوسساق،وندا ودان زور قاراجات جينالاتىنى انىق. سوندىقتان دا سىزدەن سول حالىقتىڭ ءوز اقشاسىن تابيعي اپاتتان، ياعني سۋ تاسقىنىنان زارداپ شەككەن حالىققا جاردەم رەتىندە كەرى قايتارىپ بەرۋىڭىزدى تالاپ ەتەمىن.
اتاپ ايتقاندا اتالمىش شارا سوڭعى كەزدە حالىق اراسىندا بەدەلى كۇرت تومەندەپ كەتكەن ءمۇفتياتتىڭ دارەجەسىن كوتەرىپ قانا قويماي،سونىمەن قاتار يسلام شاريعاتىنا دا لايىق ساۋاپتى ءىس-ارەكەت بوپ تابىلادى”، دەپ جازدى تاۋەلسىز ءدىن زەرتتەۋشىسى.
