قارجى مونيتورينگى اگەنتتىگى وليگارح قايرات بورانباەۆتىڭ اكتيۆتەرى تۋرالى مالىمدەمە جاسادى، دەپ حابارلايدى «ادىرنا» ءتىلشىسى.
«كەي جەكەلەگەن باق وكىلدەرىنىڭ قايرات بورانباەۆتىڭ مەملەكەت پايداسىنا اكتيۆتەردى بەرۋىنىڭ جالعاندىعى تۋرالى تاراتقان اقپاراتى شىندىققا جاناسپايدى. جاريالانعان اقپاراتتارعا ساي اكتيۆتەردى مەملەكەتتىك ورگانداردىڭ بالانسىنا بەرۋ پروتسەسى اياقتالدى. ەكى نىسان بويىنشا قايتا تىركەۋ ءراسىمى وتكىزىلىپ جاتىر»،—دەلىنگەن حابارلامادا.
ەسكە سالايىق، 2023 جىلى 15 قىركۇيەكتە قايرات بورانباەۆ التى جىلعا باس بوستاندىعىنان ايىرىلدى. 14 قىركۇيەك كۇنى قما ەكس-شەنەۋنىكتىڭ مەملەكەتكە 90 ملرد تەڭگە قايتارعانىن مالىمدەدى. كەيىن بورانباەۆتىڭ مۇلكىن مەملەكەتكە قايتارۋ شارالارى قابىلدانىپ، جالپى قۇنى 1,4 ملرد تەڭگەدەن اساتىن «Comfort Hotel Astana» قوناق ءۇي كەشەنىن مەملەكەت مەنشىگىنە ءوز ەركىمەن بەرۋ ءۇشىن ءتيىستى وتىنىمدەر بەردى. كەيىن تاعى تاعى مەملەكەتكە 30 ملرد تەڭگە قايتاردى.
قازان ايىندى مەملەكەت كىرىسىنە جالپى قۇنى 33,75 ملرد تەڭگە بولاتىن كەڭسە، ساۋدا جانە ويىن-ساۋىق كەشەنى، سونداي-اق ساۋىقتىرۋ جانە فيتنەس جەلىسى ءوتتى. 19 قازان كۇنى بورانباەۆ ءوزىنىڭ كەن ورنىن، كومپانياسىن جانە زاۋىتىن مەملەكەت مەنشىگىنە بەردى.
كوپتەگەن اكتيۆتى قايتارۋ كاسىپكەردىڭ جازاسىن جەڭىلدەتۋگە اكەلدى. 20 قازاندا سوت بورانباەۆتىڭ ءوتىنىشىن قاناعاتتاندىرىپ، جازانىڭ وتەلمەگەن بولىگىن باس بوستاندىعىن شەكتەۋگە اۋىستىردى. 6 قاراشادا كاسىپكەر تۇرمەدەن بوساتىلدى.
