وليگارح قايرات بورانباەۆقا تيەسىلى «AlanParking» جشس ديرەكتورى مۇحتار بازارباەۆتى سوت قاماۋعا الۋ تۋرالى شەشىم قابىلدادى. بۇل تۋرالى الماتى قالالىق سوتىنىڭ ءباسپاسوز قىزمەتى مالىمدەدى، دەپ حابايلايدى “ادىرنا” ۇلتتىق پورتالى.
«تەرگەۋ سوتىنىڭ شەشىمىمەن سوتقا دەيىنگى تەرگەۋ ورگانىنىڭ ءوتىنىشى قاناعاتتاندىرىلدى. ەكى اي مەرزىمگە قاماۋعا الۋدى سانكتسيالاۋ تۋرالى شەشىم قابىلداندى» دەلىنگەن حابارلامادا.
ايتا كەتەيىك، AlanParking – بۇل تۇرمەدەگى وليگارح قايرات بورانباەۆقا تيەسىلى RR2 جشس باسقاراتىن اقىلى اۆتوتۇراق وپەراتورى.
ال قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ قىزى داريعا نازارباەۆانىڭ بۇرىنعى قۇداسى قايرات بورانباەۆتى 15 ناۋرىزدا الماتىدا قارجى مونيتورينگى اگەنتتىگىنىڭ ورتالىق اپپاراتىنىڭ قىزمەتكەرلەرى ۇستاعان بولاتىن.
“ادىرنا” ۇلتتىق پورتالى
