قارجى مونيتورينگى اگەنتتىگى اتىراۋدا شەنەۋنىكتەردىڭ قاتىسۋىمەن بولعان توبەلەسكە ولاردىڭ قىزمەتكەرلەرىنىڭ ەشقانداي قاتىسى جوق ەكەنىن رەسمي تۇردە مالىمدەدى، دەپ حابارلايدى "ادىرنا" ۇلتتىق پورتالى.
"اتىراۋ وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارىنا قاتىستى وقيعاعا بايلانىستى تاراعان اقپارات شىندىققا سايكەس كەلمەيدى. وقيعا ورنىندا دەپارتامەنت قىزمەتكەرلەرى بولعان جوق", – دەلىنگەن اگەنتتىكتىڭ حابارلاماسىندا.
قما قوعامدى تەك رەسمي اقپارات كوزدەرىنە سەنۋگە شاقىرىپ، جالعان مالىمەتتەرگە ەرمەۋگە كەڭەس بەردى.
ەسكە سالا كەتەيىك، 28 قاڭتاردا اتىراۋداعى ويىن-ساۋىق ورىندارىنىڭ بىرىندە جانجال شىعىپ،
سوڭى توبەلەسكە ۇلاسقان. سالدارىنان اتىراۋ وبلىسى مەملەكەتتىك كىرىستەر دەپارتامەنتى باسشىسىنىڭ ورىنباسارى اۋىر جاراقات الىپ، كوماعا ءتۇستى دەگەن اقپارات تارادى.
بۇعان دەيىن توبەلەسكە پروكۋراتۋرا مەن مەملەكەتتىك كىرىستەر دەپارتامەنتىنىڭ قىزمەتكەرلەرى قاتىسقان دەگەن اقپارات تاراعان بولاتىن. الايدا قارجى مونيتورينگى اگەنتتىگى بۇل مالىمەتتى جوققا شىعاردى.
اتىراۋ وبلىستىق پوليتسيا دەپارتامەنتى وقيعا بويىنشا قىلمىستىق كودەكستىڭ 106-بابىنىڭ 1-بولىگى («دەنساۋلىققا قاساقانا اۋىر زيان كەلتىرۋ») بويىنشا قىلمىستىق ءىس قوزعالعانىن حابارلادى. تەرگەۋ امالدارى جۇرگىزىلىپ جاتىر.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز