مەملەكەت باسشىسى قاسىم-جومارت توقاەۆ قىتايدان كەلگەن سوڭ پرەمەر-مينيستر ولجاس بەكتەنوۆپەن جانە باسقا دا رەسمي تۇلعالارمەن كەزدەسۋ وتكىزەدى، دەپ حابارلايدى "ادىرنا" ۇلتتىق پورتالى اقوردانىڭ ءباسپاسوز قىزمەتىنە سىلتەپ.
«پرەزيدەنت قاسىم-جومارت توقاەۆ ۇكىمەت پەن جەرگىلىكتى اتقارۋشى ورگانداردىڭ ەلىمىزدىڭ بىرقاتار وڭىرلەرىندەگى سۋ تاسقىنىنىڭ سالدارىن جويۋ جونىندەگى جۇمىسىن باقىلاۋدا»، - دەلىنگەن حابارلامادا.
جاعدايدى تالداۋ ناتيجەلەرى بويىنشا دايىندىق شارالارىنا قاتىسپاعان جانە ەلدى مەكەندەردى سۋ باسۋعا جول بەرگەندەردى جۇمىستان شىعارۋدى قوسا العاندا، تارتىپتىك شارالار قولدانىلاتىنى حابارلاندى.
قازىرگى ۋاقىتتا حالىققا كومەك كورسەتۋ، ادام ءولىمىنىڭ الدىن الۋ باستى مىندەتە تۇرعانى ايتىلدى.
«بۇل سوڭعى جىلدارداعى ەڭ ءىرى سۋ تاسقىنى. ەندى ەڭ باستىسى – ادامداردىڭ ءومىرىن ساقتاپ قالۋ جانە اپاتتىڭ سالدارىن ازايتۋ. ودان كەيىن جەكەلەگەن لاۋازىمدى تۇلعالاردىڭ قىزمەتتىك مىندەتتەرىن ورىنداۋ كەزىندە سالعىرتتىق تانىتۋىنىڭ ىقتيمال فاكتىلەرىن انىقتاۋ ماقساتىندا تەكسەرۋ جۇرگىزىلەدى. مەن بۇل ماسەلەنى باس پروكۋرورمەن دە تالقىلادىم. بۇگىنگى تاڭدا بارلىق كۇش سۋ تاسقىنىنا قارسى جۇمىستارعا جۇمسالۋدا. بىرقاتار وڭىرلەردە توتەنشە جاعداي جاريالاندى. مەنىڭ ءبىرىنشى ورىنباسارىم رومان ۆاسيلەۆيچ سكليار زارداپ شەككەن ايماقتاردا جۇمىس ىستەۋدە»، - دەدى بەكتەنوۆ جۇما كۇنى.
ەسكە سالايىق، توقاەۆ بواو ازيا فورۋمىنىڭ XXIII سەسسياسىنا قاتىسۋ ءۇشىن قىتايعا جۇمىس ساپارىمەن كەتكەن بولاتىن.
