تەمىرتاۋدا سۋ قۇبىرى ۋچاسكەسىندەگى تەحنولوگيالىق بۇزۋشىلىققا بايلانىستى توتەنشە جاعداي جاريالاندى، دەپ حابارلايدى "ادىرنا" ۇلتتىق پورتالى. بۇل تۋرالى قالا اكىمى وراز تاۋربەكوۆ مالىمدەدى.
سۋ قۇبىرىنىڭ وڭ جاعالاۋ تۇرعىندارىن اۋىز سۋمەن قامتاماسىز ەتەتىن بولىگىندە تەحنولوگيالىق بۇزۋشىلىققا بايلانىستى بۇل اۋماققا اۋىز سۋ بەرۋ ۋاقىتشا توقتاتىلدى.
«قۇرمەتتى تەمىرتاۋلىقتار، كەشە وڭ جاعالاۋ تۇرعىندارىن اۋىز سۋمەن قامتاماسىز ەتەتىن سۋ قۇبىرىنىڭ ۋچاسكەسىندە ورىن العان تەحنولوگيالىق بۇزۋشىلىققا بايلانىستى وسى اۋماققا اۋىز سۋ بەرۋدى ۋاقىتشا توقتاتۋعا ءماجبۇر بولدىق. قالىپتاسقان جاعدايدىڭ بارلىق سالدارىن ەسكەرە وتىرىپ جانە قولدانىستاعى زاڭناما نورمالارىن باسشىلىققا الا وتىرىپ، مەن توتەنشە جاعداي جاريالادىم. سونىڭ اياسىندا اۋىز سۋدى تەز ارادا قالىپقا كەلتىرۋ ءۇشىن بارلىق قاجەتتى شارالاردى قابىلدايمىز»، - دەدى اكىم Instagram پاراقشاسىندا.
