Temirtaýda sý qubyry ýchaskesindegi tehnologııalyq buzýshylyqqa baılanysty tótenshe jaǵdaı jarııalandy, dep habarlaıdy "Adyrna" ulttyq portaly. Bul týraly qala ákimi Oraz Taýrbekov málimdedi.
Sý qubyrynyń oń jaǵalaý turǵyndaryn aýyz sýmen qamtamasyz etetin bóliginde tehnologııalyq buzýshylyqqa baılanysty bul aýmaqqa aýyz sý berý ýaqytsha toqtatyldy.
«Qurmetti temirtaýlyqtar, keshe oń jaǵalaý turǵyndaryn aýyz sýmen qamtamasyz etetin sý qubyrynyń ýchaskesinde oryn alǵan tehnologııalyq buzýshylyqqa baılanysty osy aýmaqqa aýyz sý berýdi ýaqytsha toqtatýǵa májbúr boldyq. Qalyptasqan jaǵdaıdyń barlyq saldaryn eskere otyryp jáne qoldanystaǵy zańnama normalaryn basshylyqqa ala otyryp, men tótenshe jaǵdaı jarııaladym. Sonyń aıasynda aýyz sýdy tez arada qalypqa keltirý úshin barlyq qajetti sharalardy qabyldaımyz», - dedi ákim Instagram paraqshasynda.
