اقتوبە وبلىسىندا ارنايى كوميسسيا تاسقىننان كەلگەن شىعىندى ەسەپتەۋدى باستادى. وڭىردە 800-گە جۋىق باسپاناعا زاقىم كەلگەنى بەلگىلى بولدى، دەپ حابارلايدى "ادىرنا" ءتىلشىسى استانا تەلەارناسىنا سىلتەپ.
ارنايى كوميسسياعا ەكى ساعات ىشىندە حالىقتان 700-گە جۋىق ءوتىنىم تۇسكەن. ال 1 ساۋىردە كوميسسيا وكىلدەرى سول زارداپ شەككەن نىسانداردى ارالاپ، جاعدايمەن تانىستى.
ء"ار ءۇيدى ءبىرىنشى تىركەپ الامىز. سودان كەيىن باعالاۋشىلارعا بەرەمىز. باعالاۋشىلار بىزدەن كەيىن كەلىپ ارنايى ماماندارمەن ەسەپتەۋ جۇمىستارىن جۇرگىزەدى. ەسەپتەۋ اياقتالعاننان كەيىن ءبىز ءتيىستى قارجى سۇراتىپ، شوتتارىنا اۋداراتىن بولامىز", - دەيدى استانا اۋدانى اكىمى ورىنباسارى جاقسات تولەگەنوۆ.
ءبىر عانا اقتوبە وبلىسىندا 757 ءۇيدى سۋ باسقان. 3700-دەن استام تۇرعىن سۋ تاسقىنىنان ەۆاكۋاتسيالىق بەكەتتەردى پانالاپ وتىر.
ء"الى دە اماندىق بولسا جاڭا قونىسقا بىرگە كىرەمىز. كەلەر جىلعا قالدىرمايمىز. ونى بيىل مىندەتتى تۇردە شەشەمىز. ءار قادامىمىزدى ايتىپ وتىرامىز. جۇمىس باياۋ جۇرمەيدى. قاداعالاپ وتىرامىز", - دەدى وبلىس اكىمى اسحات شاحاروۆ.
سۋ تاسقىنىنان زارداپ شەككەن تۇرعىندار وتىنىمدە ءۇي مەن مۇلىك سىندى دۇنيەلەردىڭ كرەديتكە الىنعان ايتقان.
قازىر وڭىردە مەكتەپ وقۋشىلارى مەن كوللەدجدەردە ءبىلىم بەرۋ فورماتى قاشىقتان وقىتۋعا كوشىرىلگەن.
