ءوز ايەلى سالتانات نۇكەنوۆانى ايۋاندىقپەن ولتىرگەنى ءۇشىن ايىپتالىپ جاتقان ۇلتتىق ەكونوميكانىڭ بۇرىنعى ءمينيسترى قۋاندىق بيشىمباەۆتىڭ قورعاۋشىسى سوتتى جانە پروتسەسكە قاتىسۋشىلاردى شاتاستىردى، دەپ حابارلايدى "ادىرنا" ۇلتتىق پورتالى.
«سوت قورعاۋشىلارعا، قورعاۋشى تاراپقا ەسكەرتۋ جاسايدى. ءسىز بۇل قىلمىس بولعان جەردى تەكسەرۋ اكتىسىنەن الىنعان فوتوسۋرەتتەر ەكەنىن كورسەتە وتىرىپ، سوتتى جانە پروتسەسكە قاتىسۋشىلاردى شاتاسىتىرپ وتىرسىز، بىراق ءىس جۇزىندە ءسىز باسقا فوتوسۋرەتتەردى بەرەسىز. وسى سەبەپتى فوتوسۋرەتتەردى جيناپ، دياگرامماعا جۇگىنە الاسىز جانە ءبىز سوتتالۋشىدان جاۋاپ الۋدى جالعاستىرامىز. ال سوتتى قيىنداتقانىڭىز ءۇشىن سوت ءىس بويىنشا تۇپكىلىكتى شەشىم شىعارعان كەزدە ءتيىستى شارالاردى قابىلدايدى»، - دەدى سۋديا ايجان قۇلباەۆا سارسەنبى كۇنگى سوت وتىرىسىندا.
انىقتالعانداي، بيشىمباەۆتىڭ ادۆوكاتتارى سوت پروتسەسىندە پايدالانعان فوتوسۋرەتتەر 2024 جىلدىڭ 28 ناۋرىزىندا، وقيعانىڭ ءوزى 2023 جىلدىڭ 9 قاراشاسىندا بولعان.
