اۋىل شارۋاشىلىعى مينيسترلىگىندە سۋ تاسقىنىنان زارداپ شەككەن مال سانى تۋرالى مالىمەتتەر دە جوق، دەپ حابارلايدى “ادىرنا” ۇلتتىق پورتالى قازاقپاراتقا سىلتەپ.
ۆەدومستۆو جەرگىلىكتى اتقارۋشى ورگانداردىڭ بۇلىنگەن مۇلىككە وتىنىشتەردى قابىلداپ، ءتيىستى ەسەپ جۇرگىزەتىنىن اتاپ وتكەن.
زاقىمدانعان مالدىڭ ورنىن تولتىرۋ ماسەلەسىنە كەلسەك، اۋىل شارۋاشىلىعى مينيسترلىگى كەلتىرىلگەن شىعىندى وتەۋ ماسەلەسىن اكىمدىكتەرگە نەمەسە سۋ تاسقىنىنا قارسى ءىس-قيمىل جونىندەگى رەسپۋبليكالىق شتابقا جولداۋ كەرەگىن ايتادى.
ايتا كەتسەك، بۇعان دەيىن قاراعاندى وبلىسىنىڭ شەت اۋدانىندا بىرنەشە اۋىلدا سۋ تاسقىنىنان 10 باس ءىرى قارا، 72 باس ۇساق مال جانە توعىز جىلقى قىرىلعان.
اقتوبە وبلىسىندا ءىرى قارانىڭ ءولۋ كورسەتكىشى ءۇش مىڭعا جەتتى. جەرگىلىكتى قىزمەتتەر سانى جالعاسۋدا، بىراق كەيبىر فەرمەرلەرگە حابارلاسۋ مۇمكىن ەمەس.
اۋىل شارۋاشىلىعى مينيسترلىگى سۋ باسقان وڭىرلەردە مالدىڭ قىرىلۋىن بولدىرماۋ ماقساتىندا ولاردى قاۋىپسىز جايىلىمدىق جەرلەرگە كوشىرۋ جۇمىستارى ۇيىمداستىرىلعانىن حابارلادى. وسىلايشا، جەدەل دەرەكتەر بويىنشا 30 مىڭعا جۋىق اۋىل شارۋاشىلىعى مالدارى قاۋىپسىز قاشىقتىققا ايدالدى.
ۆەدومستۆونىڭ حابارلاۋىنشا، سۋ تاسقىنى سالدارىنان توتەنشە جاعداي كەزىندە مال قىرىلعان جاعدايدا جەرگىلىكتى بيۋدجەتتەردەن، سونداي-اق باسقا دا كوزدەردەن وتەماقى تولەنەتىن بولادى.
