شري-لانكادا «ديتۆا» تسيكلونى سالدارىنان 20 جىلدان بەرى بولماعان ەڭ ءىرى سۋ تاسقىنى بولدى، دەپ حابارلايدى "ادىرنا" ۇلتتىق پورتالى Bloomberg-كە سىلتەمە جاساپ.
تولاسسىز جاڭبىر مەن سۋ تاسقىنى ناتيجەسىندە 132 ادام قازا تاۋىپ، تاعى 176 ادام حابار-وشارسىز كەتكەن.
ەلدىڭ توتەنشە جاعدايلاردى باسقارۋ ورتالىعى قاۋىپ دەڭگەيى وتە جوعارى ەكەنىن حابارلاپ، تۇرعىنداردى ساق بولۋعا شاقىردى. AFP اگەنتتىگىنىڭ مالىمەتىنشە، 44 مىڭعا جۋىق ادام باسپاناسىز قالىپ، ەۆاكۋاتسيالانعان. پرەزيدەنت انۋرا كۋمارا ديسساناياكە 28 قاراشادا ەلدە توتەنشە جاعداي رەجيمىن ەنگىزدى.
قاۋىپتىڭ سالدارىنان شري-لانكا پارلامەنتىندەگى بيۋدجەت تالقىلاۋى توقتاتىلىپ، كولومبو قور بيرجاسىنىڭ ساۋدا ۋاقىتى قىسقارتىلدى. تومەنگى وڭىرلەردە، اسىرەسە كەلاني وزەنىنىڭ جاعالاۋىندا تۇراتىن تۇرعىندارعا جوعارى جەرگە كوشۋگە نۇسقاۋ بەرىلدى. مەكتەپتەر مەن مەملەكەتتىك مەكەمەلەر ۋاقىتشا جابىلدى.
ۇكىمەت اسكەري كۇشتەردى جۇمىلدىرىپ، سۋ باسقان ايماقتاعى تۇرعىنداردى تىكۇشاقتار مەن قايىقتار ارقىلى قاۋىپسىز جەرگە شىعارىپ جاتىر. 29 قاراشا كۇنى اسكەري-تەڭىز كۇشتەرى اۆتوبۋستا قالعان 40 جولاۋشىنى قۇتقارعان. ەلەكتر جەلىسىنە زاقىم كەلگەن اۋدانداردا قالپىنا كەلتىرۋ جۇمىستارى جالعاسۋدا.
