ەلىمىزدە سۋ تاسقىنى كەزىندە قۇتقارىلعان ادام سانى 117 617-گە جەتتى. بۇل تۋرالى بۇگىن توتەنشە جاعداي مينيسترلىگى جاريالادى، دەپ حابارلايدى “ادىرنا” ۇلتتىق پورتالى.
"ازاماتتىق قورعاۋ قىزمەتتەرى 117 617 ادامدى، ونىڭ ىشىندە 43 887 بالانى قۇتقاردى. 113 852 اۋىل شارۋاشىلىعى جانۋارلارى قاۋىپسىزدىك جەرگە ايدالدى. 18 651 ادام ۇيلەرىنە ورالدى. ەۆاكۋاتسيالاۋ پۋنكتتەرىندە 6 932 ادام، ونىڭ ىشىندە 3 143 بالا بار" دەلىنگەن حابارلامادا.
وسى ۋاقىتقا دەيىن 10 ملن تەكشە مەتر ەرىگەن قار سۋى سورىلدى، 3,1 ملن-نان استام قاپشىق پەن 1,4 ملن توننا ينەرتتى ماتەريال توسەلدى. 4 134 تۇرعىن ءۇي مەن 2698 اۋلا اۋماعىنان سۋ بۇرىلدى.
زارداپ شەككەن وڭىرلەرگە 4 211 توننا گۋمانيتارلىق كومەك جەتكىزىلدى.
