«قازاۆتوجول» ۇق» اق-نىڭ ەكس-باسقارما توراعاسى اسقار مۇراتۇلى اقشا جىمقىرۋ فاكتىسى بويىنشا ۇستالدى. بۇل جايلى بۇگىن قارجى مونيتورينگى اگەنتتىگىنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
«استانا قالاسى بويىنشا ەكونوميكالىق تەرگەپ-تەكسەرۋ دەپارتامەنتىمەن باس كولىك پروكۋراتۋراسىنىڭ جۇمىس ۇيلەستىرۋىمەن ءبىر كوزدەن الۋ جولىمەن بيۋدجەتتىك قاراجاتتى اسا ءىرى مولشەردە جىمقىرۋ كۇدىگىمەن «قازاۆتوجول» ۇق» اق-نىڭ ەكس-باسقارما توراعاسى ا.مۇراتۇلى ۇستالدى»،- دەلىنگەن حابارلامادا.
اگەنتتىكتىڭ حابارلاۋىنشا سوتپەن كۇدىكتىگە قاتىستى 2 اي مەرزىمگە «كۇزەتپەن ۇستاۋ» تۇرىندەگى بۇلتارتپاۋ شاراسى سانكتسيالانعان.
ايتا كەتەيىك، اسقار مۇراتۇلى 2021 جىلدىڭ ساۋىرىندە قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن «قازاۆتوجول» ۇك» اق باسقارما توراعاسى بولىپ تاعايىندالعان.
اسقار مۇراتۇلى 1976 جىلى 4 ساۋىردە تۋعان.
