قازاقستاندا التىن قورى قانشا ۋاقىتقا جەتەتىنى ايتىلدى

ەلىمىزدە التىننىڭ 20-25 جىلعا جەتەتىن قورى بار. بۇل جايلى گەولوگيا كوميتەتىنىڭ توراعاسى ەرلان اقباروۆ مالىمدەدى، دەپ حابارلايدى «ادىرنا» ءتىلشىسى.

«قازىرگى تاڭدا قازاقستاندا التىننىڭ 2 300 توننا گەولوگيالىق قورى بار. جىل سايىن تاعى 90 توننا وندىرىلەدى. جالپى العاندا التىننىڭ 20-25 جىلعا جەتەتىن قورى بار»،—دەدى ول 4 ءساۋىر كۇنى وكق-دا وتكەن ءباسپاسوز ءماسليحاتىندا.

توراعا الداعى ۋاقىتتا بارلاۋ جۇمىستارى جالعاسىن تاۋىپ، جەتىلدىرىلەتىنىن اتاپ ءوتتى.

«2022 جىلى گەولوگيا سالاسىن دامىتۋدىڭ تۇجىرىمداماسى بەكىتىلدى. سول تۇجىرىمداماداعى ءبىزدىڭ ءبىرىنشى باعىتىمىز – مەملەكەتتىڭ گەولوگيالىق زەرتتەۋ جۇمىستارىنىڭ تيىمدىلىگىن ارتتىرۋ. ول – 200-دىك ماسشتابتان 50 مىڭدىڭ ماسشتابقا كوشۋ. 50 مىڭدىق ماسشتاب اۋماقتاردى تولىق انىقتاۋعا مۇمكىندىك بەرەدى»،—دەپ تولىقتىردى ەرلان اقباروۆ.