Elımızde altynnyŋ 20-25 jylǧa jetetın qory bar. Būl jaily Geologiia komitetınıŋ töraǧasy Erlan Aqbarov mälımdedı, dep habarlaidy «Adyrna» tılşısı.
«Qazırgı taŋda Qazaqstanda altynnyŋ 2 300 tonna geologiialyq qory bar. Jyl saiyn taǧy 90 tonna öndırıledı. Jalpy alǧanda altynnyŋ 20-25 jylǧa jetetın qory bar»,—dedı ol 4 säuır künı OKQ-da ötken baspasöz mäslihatynda.
Töraǧa aldaǧy uaqytta barlau jūmystary jalǧasyn tauyp, jetıldırıletının atap öttı.
«2022 jyly geologiia salasyn damytudyŋ tūjyrymdamasy bekıtıldı. Sol tūjyrymdamadaǧy bızdıŋ bırınşı baǧytymyz – memlekettıŋ geologiialyq zertteu jūmystarynyŋ tiımdılıgın arttyru. Ol – 200-dık masştabtan 50 myŋdyŋ masştabqa köşu. 50 myŋdyq masştab aumaqtardy tolyq anyqtauǧa mümkındık beredı»,—dep tolyqtyrdy Erlan Aqbarov.