شىعىس قازاقستاندا مۇز استىنا ءتۇسىپ كەتكەن بالىقشىلار قۇتقارىلدى، دەپ حابارلايدى “ادىرنا” ءتىلشىسى قازاقپاراتقا سىلتەپ.
تجد ۇلان اۋدانىنداعى سىبە كولىندەگى بالىقشىلاردى جاقىن ماڭدا جۇرگەن ادامداردىڭ قۇتقارعانىن حابارلادى.
«بالىقشىنىڭ ءبىرى مۇز ۇستىندە ءجۇرىپ كەلە جاتىپ، كەنەت استىنا ءتۇسىپ كەتتى. وسكەمەن قالاسىنىڭ تۇرعىنى الەكساندر الەكسەەۆ مۇنى بايقاپ، ابدىراپ قالماي سول ادامعا تروسس لاقتىرعان. سونىڭ كومەگىمەن ول بالىقشىنى شىعارىپ الدى»، - دەلىنگەن اقپاراتتا.
الەكساندر ەسىمدى ازامات پەن ونىڭ قاسىنداعى ازاماتتار كولدەن ۇيگە كەتۋگە جينالىپ جاتقاندا مۇز استىنا قۇلاعان تاعى ءبىر ادامدى كورگەن.
«ەر ادامعا ەڭبەكتەپ مۇزعا شىق دەپ ايقايلادىم. سودان كەيىن كومەك كورسەتكەن باسقا ادامدارمەن بىرگە وعان ارقان مەن شانانى لاقتىردىق. ايتەۋىر ازامات قورقىنىشىن جەڭىپ، سۋدان شىعىپ، شاناعا جەتە الدى. باسقا كۋاگەرلەرمەن بىرگە ونى قاۋىپسىز ايماققا شىعاردىق»، - دەيدى الەكساندر الەكسەەۆ.
