بۇگىن ارىستا وبلىس اكىمى اپپاراتىنىڭ كەزەكتى سەلەكتورلىق جيىنىندا ارىس قالاسىن قالپىنا كەلتىرۋ جۇمىستارى تالقىلاندى.
بۇگىندە قالاداعى 8371 باسپانا الىنىپ، ونىڭ 6977-ءسى جوندەلەتىن بولدى. ونىڭ ىشىندە 149 ءۇي باسىنان سالىنادى. بۇل ساندار وزگەرۋى دە مۇمكىن. قازىرگى تاڭدا 340 ءۇيدىڭ قۇرىلىس جۇمىسى تولىق اياقتالىپ، يەلەرىنە تاپسىرىلعان.
«ارىستا 2194 ءۇيدى قالىپقا كەلتىرۋ جۇمىسى قىزۋ ءجۇرىپ جاتىر. قالعان 4500-دەن استام باسپانانىڭ جۇمىستارى وسى اپتادا باستالادى. جالپى بۇل جۇمىستارعا 168 مەردىگەر كومپانيا قۇرامىندا 3531 قۇرىلىسشى تارتىلعان. بارلىق سەكتورلاردى كۇن سايىن ارالاپ، تۇرعىنداردىڭ تالاپ-تىلەگىن تىڭداپ ءجۇرمىز»، - دەدى قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى ق.وسكەنباەۆ. وبلىس باسشىسى وسى ورايدا ءوڭىر xالقىن قاجەتىنشە تارتىپ، ءارى جۇمىسپەن قامتۋدى دا تاپسىردى.
ارىستاعى زاقىمدانعان 66 الەۋمەتتىك نىساننىڭ 62-دە "سامۇرىق-قازىنا" قورى جوندەۋ جۇمىستارىن باستادى. مۇنىڭ 54-ءىن ءبىلىم عيماراتتارى قۇرايدى. بۇلار دا جاڭا وقۋ جىلىنا تولىق اياقتالۋى ءتيىس. سونىمەن بىرگە «اتامەكەن» ۇلتتىق كاسىپكەرلەر پالاتاسى زارداپ شەككەن 456 كاسىپكەرلىك نىساندى قالپىنا كەلتىرۋ شارالارىنا كىرىسىپ كەتتى.
ءوڭىر باسشىسى ومىرزاق شوكەەۆ قۇرىلىستى جوسپاردان كەشەۋىلدەتىپ جاتقان بىرنەشە سەكتورعا جاۋاپتى باسشىلارعا جۇمىستى شيراتۋدى تاپسىردى. اتاپ ايتساق، قوستاناي، اقمولا، سقو جانە اقتوبە وبلىستارىنىڭ وكىلدەرىنە جوسپاردان قالماۋ كەرەكتىگىن ەسكەرتتى. سونداي-اق ارىس قالاسىنىڭ زيالى قاۋىمى مەن بەلسەندى ازاماتتارىن، جەرگىلىكتى اتقارۋشى ورگان مەن دەپۋتاتتارىن، اقساقالدارىن دا بەلسەندى بولۋعا شاقىردى.
«جالپى ارىستا جۇمىس جوعارى دەڭگەيدە اتقارىلىپ جاتىر. تۇرعىندار ۇيلەرىنە ورالعاننان بەرى 10 كۇن ىشىندە بارلىق شارۋالاردى ءبىر جۇيەگە كەلتىرىپ الدىق. وزگە وڭىرلەردەن كەلگەن قۇرىلىسشىلارعا 40 گرادۋس ىستىقتا جۇمىس ىستەۋ وڭاي ەمەس. سوندىقتان ولارعا جەرگىلىكتى تۇرعىندار دا قولداۋ كورسەتىپ، قالانى كوركەيتۋگە اتسالىسسىن»، - دەگەن ءوڭىر باسشىسى بارلىق جاۋاپتى باسشىلار مەن ماماندارعا جۇمىستى كۇشەيتىپ، ساپالى ءارى ۋاقتىلى اياقتاۋدى تاپسىردى.
تۇركىستان وبلىسى اكىمىنىڭ ءباسپاسوز قىزمەتى
"ادىرنا" ۇلتتىق پورتالى
