تاجىكستان سىرتقى ىستەر ءمينيسترى سيروجيددين مۋحريددين كروكۋس سيتي حوللداعى لاڭكەستىك وقيعانى تەرگەگەن كەزدە رەسەيلىك قۇقىق قورعاۋ ورگاندارى حالىقارالىق قۇقىق قاعيداتتارى مەن قۇقىقتىق نورمالاردى ساقتاۋى ءتيىس ەكەنىن ايتتى. اتاپ ايتقاندا، ديپلومات «ازيا-پليۋس» دەپارتامەنتىنىڭ باسشىسى كەلتىرگەندەي، تۇتقىنداردى ازاپتاۋ مەن قاتىگەزدىك كورسەتۋدى توقتاتۋعا شاقىردى، دەپ حابارلايدى “ادىرنا” پورتالى.
12 ساۋىردە مينسكىدە وتكەن تمد ەلدەرى سىرتقى ىستەر مينيسترلەرىنىڭ سامميتىندە سويلەگەن سوزىندە تاجىكستان ءسىم باسشىسى لاڭكەستىك ارەكەت جاسادى دەگەن كۇدىكتىنى ازاپتاۋ ارقىلى مويىنداتۋىن اشىق كورسەتۋدەن ءبىراز نارسە تۇيۋگە بولاتىنىن ايتتى.
«وسى جولمەن الىنعان مويىنداۋلاردىڭ قانداي بولاتىنى بارلىعىنا بەلگىلى»، - دەپ اتاپ ءوتتى ديپلومات.
ءمۋحريدديننىڭ ايتۋىنشا، ويلاستىرىلماعان اقپاراتتىق ناۋقاننىڭ ناتيجەسىندە تاجىكستان ازاماتتارى مەن تاجىكتەرگە قاتىستى تەرىس تۇسىنىك قالىپتاسىپ وتىر، بۇعان جول بەرۋگە بولمايدى. ويتكەنى مۇنداي ارەكەتتەر شەتەلدىكتەرگە دەگەن وشپەندىلىككە، كسەنوفوبياعا، ناسىلشىلدىككە جەتەلەيدى.
مينيستر كروكۋستاعى تەراكتىگە قاتىستى تەرگەۋدىڭ بەيتاراپ ءارى ءادىل وتەتىنىنە سەنىم ءبىلدىردى.
«بارلىعى دا جازالانۋى كەرەك: ۇيىمداستىرۋشىلار دا، قىلمىسكەرلەر دە، سىبايلاستار دا، وسى جانتۇرشىگەرلىك قىلمىسقا تاپسىرىس بەرگەندەر دە»، - دەپ تۇيىندەدى مۇحريددين.
ول ارىپتەستەرىنە كورشىلەس اۋعانستانداعى شيەلەنىستى جاعدايعا بايلانىستى تاجىكستان وتىز جىلدان بەرى قاۋىپسىزدىك ماسەلەلەرىمەن بەتپە-بەت كەلگەنىن ايتتى. وسىعان بايلانىستى، ديپلوماتتىڭ ايتۋىنشا، تمد تەرروريزمگە قارسى ورتالىعى قىزمەتىنىڭ تيىمدىلىگىن ارتتىرۋدىڭ كەزەك كۇتتىرمەيتىن قاجەتتىلىگى بار.
مەيرامبەك ەربولاتۇلى
