Täjıkstan syrtqy ıster ministrı Sirojiddin Muhriddin Krokus Siti Holldaǧy laŋkestık oqiǧany tergegen kezde reseilık qūqyq qorǧau organdary halyqaralyq qūqyq qaǧidattary men qūqyqtyq normalardy saqtauy tiıs ekenın aitty. Atap aitqanda, diplomat «Aziia-Plius» departamentınıŋ basşysy keltırgendei, tūtqyndardy azaptau men qatygezdık körsetudı toqtatuǧa şaqyrdy, dep habarlaidy “Adyrna” portaly.
12 säuırde Minskıde ötken TMD elderı Syrtqy ıster ministrlerınıŋ sammitınde söilegen sözınde Täjıkstan SIM basşysy laŋkestık äreket jasady degen küdıktını azaptau arqyly moiyndatuyn aşyq körsetuden bıraz närse tüiuge bolatynyn aitty.
«Osy jolmen alynǧan moiyndaulardyŋ qandai bolatyny barlyǧyna belgılı», - dep atap öttı diplomat.
Muhriddinnıŋ aituynşa, oilastyrylmaǧan aqparattyq nauqannyŋ nätijesınde Täjıkstan azamattary men täjıkterge qatysty terıs tüsınık qalyptasyp otyr, būǧan jol beruge bolmaidy. Öitkenı mūndai äreketter şeteldıkterge degen öşpendılıkke, ksenofobiiaǧa, näsılşıldıkke jeteleidı.
Ministr Krokustaǧy teraktıge qatysty tergeudıŋ beitarap ärı ädıl ötetınıne senım bıldırdı.
«Barlyǧy da jazalanuy kerek: ūiymdastyruşylar da, qylmyskerler de, sybailastar da, osy jantürşıgerlık qylmysqa tapsyrys bergender de», - dep tüiındedı Mūhriddin.
Ol ärıptesterıne körşıles Auǧanstandaǧy şielenıstı jaǧdaiǧa bailanysty Täjıkstan otyz jyldan berı qauıpsızdık mäselelerımen betpe-bet kelgenın aitty. Osyǧan bailanysty, diplomattyŋ aituynşa, TMD terrorizmge qarsy ortalyǧy qyzmetınıŋ tiımdılıgın arttyrudyŋ kezek küttırmeitın qajettılıgı bar.
Meirambek ERBOLATŪLY
Ūqsas jaŋalyqtar
