اۋعانستاندا ماۋسىمدىق جاۋىن-شاشىننان بولعان سۋ تاسقىنى سالدارىنان 33 ادام قازا تاپتى، 27 ادام جاراقات الدى. بۇل تۋرالى جەكسەنبى، 14 ساۋىردە «تاليبان» وكىلدەرى مالىمدەدى، دەپ حابارلايدى “ادىرنا” ۇلتتىق پورتالى.
«تاليبان» قوزعالىسىنىڭ اۋعانستاننىڭ تابيعي اپاتتاردى باسقارۋ مينيسترلىگىنىڭ وكىلى ابدۋللا دجانان سايەك 12 ساۋىردە ەل استاناسى كابۋلدا جانە ەلدىڭ بىرنەشە پروۆينتسياسىندا سۋ تاسقىنى بولعانىن حابارلادى.
ونىڭ ايتۋىنشا، 600-دەن استام ءۇي قيراپ، 200-گە جۋىق مال قىرىلعان. سۋ تاسقىنى 800 گەكتارعا جۋىق اۋىلشارۋاشىلىق القاپتارى مەن 85 شاقىرىمنان استام جولدى زاقىمداعان.
جەرگىلىكتى مەتەورولوگيالىق دەپارتامەنت ءوز كەزەگىندە اۋعانستاننىڭ 34 پروۆينتسياسىنىڭ باسىم بولىگىندە الداعى كۇندەرى جاڭبىر جاۋادى دەپ ەسكەرتتى. بولجام بويىنشا ەڭ كوپ جاۋىن-شاشىن گازني، كابۋل، كانداگار جانە نانگارحار پروۆينتسيالارىندا بولادى.
«2021 جىلى تالىپتەر اۋعانستاندا بيلىكتى باسىپ العاننان كەيىن ولارعا بەرىلەتىن سىرتقى كومەك كولەمى ازايدى»، دەپ حابارلايدى فرانس پرەسس.
بۇل تابيعي اپاتتاردىڭ زارداپتارىن جويۋدى قيىنداتادى.
