Aýǵanstanda maýsymdyq jaýyn-shashynnan bolǵan sý tasqyny saldarynan 33 adam qaza tapty, 27 adam jaraqat aldy. Bul týraly jeksenbi, 14 sáýirde «Talıban» ókilderi málimdedi, dep habarlaıdy “Adyrna” ulttyq portaly.
«Talıban» qozǵalysynyń Aýǵanstannyń Tabıǵı apattardy basqarý mınıstrliginiń ókili Abdýlla Djanan Saıek 12 sáýirde el astanasy Kabýlda jáne eldiń birneshe provınııasynda sý tasqyny bolǵanyn habarlady.
Onyń aıtýynsha, 600-den astam úı qırap, 200-ge jýyq mal qyrylǵan. Sý tasqyny 800 gektarǵa jýyq aýylsharýashylyq alqaptary men 85 shaqyrymnan astam joldy zaqymdaǵan.
Jergilikti meteorologııalyq departament óz kezeginde Aýǵanstannyń 34 provınııasynyń basym bóliginde aldaǵy kúnderi jańbyr jaýady dep eskertti. Boljam boıynsha eń kóp jaýyn-shashyn Gaznı, Kabýl, Kandagar jáne Nangarhar provınııalarynda bolady.
«2021 jyly tálipter Aýǵanstanda bılikti basyp alǵannan keıin olarǵa beriletin syrtqy kómek kólemi azaıdy», dep habarlaıdy Frans Press.
Bul tabıǵı apattardyń zardaptaryn joıýdy qıyndatady.
