Qazaqstan Auǧanstanǧa kezektı gumanitarlyq kömek partiiasyn jönelttı, dep habarlaidy "Adyrna" ūlttyq portaly.
Elge jalpy salmaǧy 318,8 tonna bolatyn gumanitarlyq jük jetkızıldı. Onyŋ qūramyna 300 tonna qant, 1,8 tonna därı-därmek pen medisinalyq būiymdar, sondai-aq 100 jazǧy şatyr, tösek-oryn jabdyqtary jäne özge de alǧaşqy qajettılık zattary kırdı.
Gumanitarlyq kömektıŋ negızgı bölıgı temırjol arqyly Balh provinsiiasyna jöneltılse, medisinalyq jükterdıŋ bır bölıgı qazaqstandyq delegasiiamen bırge äue kölıgı arqyly Kabul qalasyna jetkızıldı.
Sonymen qatar Qazaqstannyŋ jetekşı medisinalyq mekemelerınen toǧyz därıgerden qūralǧan top Auǧanstanǧa bardy. Delegasiia qūramynda pediatrlar, hirurgter, gastroenterologtar, travmatologtar jäne basqa da salanyŋ mamandary bar. Olar bır apta boiy jergılıktı tūrǧyndarǧa medisinalyq kömek körsetıp, konsultasiialar ötkızıp, auǧanstandyq därıgerler üşın täjıribe almasu jäne şeberlık sabaqtaryn ūiymdastyrady.
