قازاقستان اۋعانستانعا كەزەكتى گۋمانيتارلىق كومەك پارتياسىن جونەلتتى، دەپ حابارلايدى "ادىرنا" ۇلتتىق پورتالى.
ەلگە جالپى سالماعى 318,8 توننا بولاتىن گۋمانيتارلىق جۇك جەتكىزىلدى. ونىڭ قۇرامىنا 300 توننا قانت، 1,8 توننا ءدارى-دارمەك پەن مەديتسينالىق بۇيىمدار، سونداي-اق 100 جازعى شاتىر، توسەك-ورىن جابدىقتارى جانە وزگە دە العاشقى قاجەتتىلىك زاتتارى كىردى.
گۋمانيتارلىق كومەكتىڭ نەگىزگى بولىگى تەمىرجول ارقىلى بالح پروۆينتسياسىنا جونەلتىلسە، مەديتسينالىق جۇكتەردىڭ ءبىر بولىگى قازاقستاندىق دەلەگاتسيامەن بىرگە اۋە كولىگى ارقىلى كابۋل قالاسىنا جەتكىزىلدى.
سونىمەن قاتار قازاقستاننىڭ جەتەكشى مەديتسينالىق مەكەمەلەرىنەن توعىز دارىگەردەن قۇرالعان توپ اۋعانستانعا باردى. دەلەگاتسيا قۇرامىندا پەدياترلار، حيرۋرگتەر، گاستروەنتەرولوگتار، تراۆماتولوگتار جانە باسقا دا سالانىڭ ماماندارى بار. ولار ءبىر اپتا بويى جەرگىلىكتى تۇرعىندارعا مەديتسينالىق كومەك كورسەتىپ، كونسۋلتاتسيالار وتكىزىپ، اۋعانستاندىق دارىگەرلەر ءۇشىن تاجىريبە الماسۋ جانە شەبەرلىك ساباقتارىن ۇيىمداستىرادى.
