دۋبايدا تولاسسىز جاڭبىر سالدارىنان بىرنەشە اۋداندى سۋ باستى، دەپ حابارلايدى “ادىرنا” ۇلتتىق پورتالى 24KZ-كە سىلتەپ.
قالانىڭ بىرنەشە اۋدانىندا جولداردى سۋ باسىپ، قوزعالىسى توقتسپ قالعان. كەيبىر مەترو ستانسالارى مەن ەڭ ءىرى ساۋدا ورتالىعى – Dubai Mall-تىڭ جەرتولەسى سۋ استىندا قالدى.
بيلىك وكىلدەرى تۇرعىنداردى ۇيدە بولۋعا شاقىرۋدا. ءبىلىم بەرۋ مەكەمەلەرى وقۋ رەجيمىن قاشىقتىقتان وقىتۋعا اۋىستىردى. مەملەكەتتىك قىزمەتكەرلەرگە قاشىقتان جۇمىس ىستەۋ ۇسىنىلادى. اۋەجايدا بىرقاتار رەيستەر توقتاتىلدى. فۋتبول ماتچتارى باسقا كۇندەرگە اۋىستىرىلدى. مۇنداي جاعداي ەلدىڭ باسقا قالالارىندا دا بايقالادى.
مەتەورولوگتار الداعى كۇندەرى تاعى دا قاتتى جاڭبىر تولقىنى بولادى دەپ بولجاپ وتىر.
ەسكە سالايىق، كورشىلەس وماندا تولاسسىز جاۋعان جاڭبىر سالدارىنان سۋ تاسقىنى بولىپ، 17 ادام قازا تاپقان بولاتىن.
