بىشكەكتە سوروس-قىرعىزستان قورى قىزمەتىن توقتاتپاق، دەپ حابارلايدى “ادىرنا” ۇلتتىق پورتالى Interfax اگەنتتىگىنە سىلتەپ. اگەنتتىك مۇنى قىرعىزستاندا كوممەرتسيالىق ەمەس ۇيىمداردىڭ جۇمىسىن شەكتەيتىن زاڭنىڭ قابىلدانۋىنان كەيىنگى جاعداي رەتىندە تۇسىندىرۋگە تىرىسقان. الايدا بۇل قور بۇدان الدىن قازاقستاندا دا ءوز جۇمىسىن توقتاتقان بولاتىن.
قور ءوز جۇمىسىن سوناۋ 1993 جىلى قىرعىزستاندا باستادى، جالپى سوماسى 115 ميلليون دوللاردى قۇرايتىن ءتۇرلى باستامالاردى قولدادى. قولداۋ كورسەتىلەتىن جوبالار اۋقىمى دەنساۋلىق ساقتاۋ، تەحنولوگيا، ءبىلىم بەرۋ جانە اقپاراتتىق تەحنولوگيالار سالالارىنداعى باستامالاردى قامتيدى.
بۇعان دەيىن قىرعىزستان پرەزيدەنتى سادىر جاپاروۆ كوممەرتسيالىق ەمەس ۇيىمداردى قۋدالاۋ تۋرالى اقپاراتتى جوققا شىعارىپ، جاڭا زاڭدا مۇنداي ارەكەتتەر قاراستىرىلماعانىن العا تارتقان ەدى. ول مەملەكەت تاراپىنان ەشقانداي شەكتەۋلەر مەن قۋدالاۋلاردىڭ بولمايتىنىنا جەكە كەپىلدىك بەرگەن بولاتىن.
