Bishkekte Soros-Qyrǵyzstan qory qyzmetin toqtatpaq, dep habarlaıdy “Adyrna” ulttyq portaly Interfax agenttigine siltep. Agenttik muny Qyrǵyzstanda kommerııalyq emes uıymdardyń jumysyn shekteıtin zańnyń qabyldanýynan keıingi jaǵdaı retinde túsindirýge tyrysqan. Alaıda bul qor budan aldyn Qazaqstanda da óz jumysyn toqtatqan bolatyn.
Qor óz jumysyn sonaý 1993 jyly Qyrǵyzstanda bastady, jalpy somasy 115 mıllıon dollardy quraıtyn túrli bastamalardy qoldady. Qoldaý kórsetiletin jobalar aýqymy densaýlyq saqtaý, tehnologııa, bilim berý jáne aqparattyq tehnologııalar salalaryndaǵy bastamalardy qamtıdy.
Buǵan deıin Qyrǵyzstan prezıdenti Sadyr Japarov kommerııalyq emes uıymdardy qýdalaý týraly aqparatty joqqa shyǵaryp, jańa zańda mundaı áreketter qarastyrylmaǵanyn alǵa tartqan edi. Ol memleket tarapynan eshqandaı shekteýler men qýdalaýlardyń bolmaıtynyna jeke kepildik bergen bolatyn.
