تانىمال زاڭگەر ايەلىن ولتىرگەن بيشىمباەۆتىڭ قانداي جازا الۋى مۇمكىن ەكەنىن ايتتى، دەپ حابارلايدى "ادىرنا" ءتىلشىسى "اشكەرە" ارناسىنا سىلتەپ.
ادۆوكات جوحار وتەبەكوۆ Facebook-تەگى پاراقشاسىندا قۋاندىق بيشىمباەۆتىڭ جازاسىنا قاتىستى جازبا جاريالادى. ادۆوكاتتىڭ سوزىنشە، ەكس-مينيستر ءوز-وزىنە ور قازىپ، سول ارقىلى ادىلدىكتىڭ ورناۋىنا اسەر ەتكەن.
“بيشىمباەۆتىڭ وزىنە ور قازۋى ارقىلى ورناعان ادىلدىك! ول وتە ارام پيار-ناۋقانىن ۇيىمداستىردى. بۇكىل سوت وتىرىسىندا شايقاستى، بارىنشا سىتىلعىسى كەلدى، جالتاردى. اشۋشاڭ بولسا دا، شىدام تانىتىپ، ءوزىن ۇستادى. ول ءولىم بولعان ءتۇنى ماس كۇيىندە جانتۇرشىگەرلىك ۆيدەو تۇسىرگەنىن ۇمىتىپ كەتكەن بولسا كەرەك، ءسويتىپ تەلەفونىنىڭ قۇپياسوزىن بەردى. وسى كەزدە ايتارعا سىلتاۋ تاپپاي قالدى”، – دەپ جازعان ادۆوكات.
وتەبەكوۆ مارقۇمنىڭ ولىمىنە قاتىستى پسيحولوگيالىق سوققى العانىن ايتتى.
“وكىنىشتىسى، مەنىڭ ءوزىم سالتانات پەن ونىڭ اعاسى ءۇشىن الاڭداپ، پسيحولوگيالىق سوققى الدىم. ءبىرىنشى كۇننەن باستاپ ەكراننان زۇلىمدىق قۇيىلىپ جاتقانداي سەزىم بولدى. مەنىڭ پسيحولوگيالىق كۇيزەلىسكە ۇشىراۋىما، اسىرەسە، سوت وتىرىسىنىڭ دۇرىس ۇيىمداستىرىلماۋى دا اسەر ەتتى. ول ءۇشىن ۇيالامىن. وسى ساياساتتى ەسكەرە وتىرىپ، بيشىمباەۆ 25 جىلعا نەمەسە ءومىر بويىنا سوتتالۋى مۇمكىن. ال بايجانوۆقا – 4 جىل. سوت وتىرىسىنىڭ تىكەلەي ەفيرى قۇقىقتىق مادەنيەتىمىزدى ارتتىردى. قىلمىستىق سوت تورەلىگىن، ادۆوكاتۋرانى جانە ت.ب. رەفورمالار تۋرالى كوپتەگەن يدەيالار الدىم”، – دەلىنگەن وتەبەكوۆتىڭ جەلىدەگى پاراقشاسىندا.
