ىشكى ىستەر ءمينيسترى ەرجان سادەنوۆ ەكس-مينيستر قۋاندىق بيشىمباەۆتىڭ ءىسى بويىنشا ەگجەي-تەگجەيلى اقپاراتتاردى ايتىپ بەردى، دەپ حابارلايدى "ادىرنا" ۇلتتىق پورتالى.
ءماجىلىس كۋلۋارىندا ءىىم باسشىسى وسى ءىس بويىنشا تەرگەۋدىڭ اياقتالعانىن جانە ونى سوتقا جەدەل تاپسىرىلاتىنى جايلى حابارلادى.
ء"ىس اياقتالدى، قازىر تانىسۋ بارىسى ءجۇرىپ جاتىر، سودان كەيىن سوتقا جىبەرىلەدى. وندا پروتسەسس كەلەسىدەي: جابىرلەنۋشى تاراپ پەن كۇدىكتى تاراپ تانىسادى. پروتسەسس، مەنىڭ ويىمشا، ءىس جۇزىندە اياقتالدى. تەرگەۋ تولىعىمەن اياقتالدى دەسەك بولادى، ءبىز تانىسقاننان قاداعالاۋ ورگانى رەتىندە پروكۋراتۋراعا جىبەرەمىز، كەيىن شەشىمدى سوت قابىلدايدى جانە شەشەدى", - دەپ جاۋاپ بەردى سادەنوۆ جۋرناليستەردىڭ سۇراقتارىنا.
سوت پروتسەسى قانداي بولاتىنى، اشىق نەمەسە جابىق بولاتىنىن سۋديا شەشەدى، دەپ قوستى ءىىم باسشىسى.
سونداي-اق، ەرجان سادەنوۆ بيشىمباەۆتىڭ دەنساۋلىق جاعدايى جانە ونى ۇستاۋ شارتتارى تۋرالى سۇراقتارعا جاۋاپ بەردى.
"بارلىق قىلمىسكەرلەرگە بىردەي جاعداي، سوندىقتان دا ول قاماۋدا. سايكەسىنشە، باسقالارمەن بىرگە. دەنساۋلىعى جاقسى", - دەدى سادەنوۆ.
