ەكس-مينيستر قۋاندىق بيشىمباەۆتىڭ قولىنان قازا تاپقان سالتانات نۇكەنوۆانىڭ اعاسى قايعىلى وقيعا ورىن العان مەيرامحاناداعى باقىلاۋ كامەرالارىنا تۇسكەن كادرلاردى جاريالادى، دەپ حابارلايدى “ادىرنا” ۇلتتىق پورتالى.
قارىنداسىنىڭ ءولىمىن ەگجەي-تەگجەيلى زەرتتەپ جۇرگەن ايتبەك امانگەلدى مۇنى قۋاندىق بيشىمباەۆتىڭ ادۆوكاتتارىنىڭ مالىمدەمەسىنە جاۋاپ رەتىندە شىعارعانىن ايتادى.
ول ء“وزىنىڭ بۇل ۆيدەونى جەلىگە ەشقاشان سالعىسى كەلمەگەنىن، الايدا بيشىمباەۆتىڭ زاڭگەرلەرى باسقا امال قالدىرماعانىن” ايتادى. ايتۋىنشا، ۆيدەو سول مەكەمەدەگى بەينەباقىلاۋ كامەرالارىنا تۇسىرىلگەن.
بەينەجازبادان ەر ادامنىڭ ايەلدى ۇرىپ جەرگە قۇلاتىپ، جۇدىرىقپەن سوعىپ، تەپكەنىن بايقاۋعا بولادى. نۇكەنوۆانىڭ اعاسى كادرلاردا بيشىمباەۆ پەن ونىڭ قارىنداسى بەينەلەنگەنىن ايتادى.
سونداي-اق، ول ەكس-ءمينيستردىڭ ادۆوكاتتارىنىڭ سۇحباتتا ايتقان سوزدەرى وتىرىك ەكەنىن جەتكىزدى.
"مەديتسينالىق ساراپتامانىڭ قورىتىندىسى بار. ساراپشىلار ونىڭ باسىنان كەم دەگەندە 13 رەت سوققى العانىن انىقتادى ", - دەپ جازادى نۇكەنوۆانىڭ اعاسى.
ول قولىندا بيشىمباەۆتىڭ مارقۇم ايەلىنە ءارتۇرلى دەنە بولىكتەرىنە بىرنەشە رەت سوققى جاساعانى كورىنەتىن بىرنەشە راكۋرستان تۇسىرىلگەن ۆيدەولاردىڭ بار ەكەنىن جەتكىزگەن.
“سالتاناتتىڭ ەدەندە جاتقان دەنەسى كورىنەتىن سۋرەتتەر بار. ءتۇنى بويى ايقاي مەن سوققىنىڭ داۋىسىن ەستىگەن كۋاگەرلەردىڭ ايعاقتارى بار”، – دەيدى ايتبەك امانگەلدى.
