سالتانات نۇكەنوۆانىڭ ولىمىنە قاتىستى ءىس بويىنشا سوتتالعان باقىتجان بايجانوۆ ءوزىن تولىق اقتاۋدى سۇرادى.
سوت جۇيەسىنىڭ كاسساتسيالىق سوتتار دەپارتامەنتى سوتتالعان باقىتجان بايجانوۆتىڭ مۇددەسىندە ادۆوكات سەكەروۆ پەن قورعاۋشى كۇلدەەۆادان كاسساتسيالىق شاعىمدار تۇسكەنىن مالىمدەدى، دەپ حابارلايدى “ادىرنا”.
ادۆوكات سەكەروۆ ءبىرىنشى ساتىداعى سوت ۇكىمى مەن اپەللياتسيالىق شەشىمنىڭ كۇشىن جويىپ، بايجانوۆتى تولىق اقتاۋدى سۇراپ وتىر. ونىڭ پىكىرىنشە، سوتتالۋشىنىڭ ارەكەتىندە قىلمىس قۇرام جوق. ال قورعاۋشى كۇلدەەۆا اقتاۋدى تالاپ ەتپەيدى، بىراق جازانى جەڭىلدەتۋدى سۇرايدى.
"كاسساتسيالىق شاعىمدا ادۆوكات ا.ج. سەكەروۆ استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2024 جىلعى 13 مامىرداعى ۇكىمى مەن استانا قالالىق سوتىنىڭ قىلمىستىق ىستەر جونىندەگى سوت القاسىنىڭ 2024 جىلعى 26 ماۋسىمداعى قاۋلىسىنىڭ كۇشىن جويۋدى جانە سوتتالعان ب.ا. بايجانوۆتى قر قك-ءنىڭ 432-بابىندا ("قىلمىستى جاسىرىپ قالۋ") كوزدەلگەن قىلمىس قۇرامىنىڭ بولماۋىنا بايلانىستى اقتاۋدى سۇرايدى", - دەلىنگەن جاۋاپتا.
قازىرگى ۋاقىتتا ءىس كاسساتسيالىق سوتتىڭ وندىرىسىندە. سوت وتىرىسى 2026 جىلعى 14 مامىرعا بەلگىلەنگەن.
ايتا كەتسەك، باقىتجان بايجانوۆ بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ تۋىسى. ول سالتانات نۇكەنوۆانى ءولتىرۋ ءىسى بويىنشا قىلمىستى جاسىرىپ قالعانى ءۇشىن سوتتالعان بولاتىن.
