كاسىپكەر رايىمبەك باتالوۆ قۋاندىق بيشىمباەۆتىڭ سوتتا كەلتىرگەن سوزدەرىنە قاتىستى پىكىر ءبىلدىردى، دەپ حابارلايدى "ادىرنا" ءتىلشىسى.
ونىڭ ۆيدەوسى الەۋمەتتىك جەلىدە تارادى. ول بيشىمباەۆتىڭ "سالتانات نۇكەنوۆا مەن باتالوۆ اراسىنداعى ماحابباتىنا" بايلانىستى ءوز ءسوزىن ايتتى.
«سوڭعى ۋاقىتقا دەيىن مەن بيشىمباەۆتىڭ سوت وتىرىسىنىڭ تاقىرىبىنا تۇسىنىكتەمە بەرگىم كەلمەدى، بىراق مەنىڭ اتى-جونىمە جاعىلعان سۇمدىق كىردەن كەيىن ۇندەۋ جاريالاۋىما تۋرا كەلدى. اۋىر قىلمىس جاسادى دەپ ايىپتالعان ادامنىڭ مەن تۋرالى ايتقانى ساندىراق ەكەنىن ايتقىم كەلەدى. بۇل ەسسىز وتىرىك. بۇل وتىرىككە سەنبەۋگە شاقىرامىن. باق وكىلدەرى مەن بلوگەرلەر جالعان اقپارات تاراتپاۋىن سۇرايمىن. وسىنداي قايعىعا دۋشار بولعان جانۇياسى مەن دوستارىنىڭ مارقۇم قىزدارىنىڭ ارىن قورعاۋعا ءماجبۇر بولعانى وكىنىشتى. نۇكەنوۆتەردىڭ وتباسىنا شىن جۇرەكتەن كوڭىل ايتامىن", - دەگەن كاسىپكەر.
22 ءساۋىر كۇنى سالتانات نۇكەنوۆانىڭ ولىمىنە قاتىستى سوت وتىرىسىندا سوتتالۋشى قۋاندىق بيشىمباەۆتىڭ ۇيالى تەلەفونىنا ساراپتاما جاسالعان. تەلەفونداعى 2023 جىلدىڭ 9 قاراشاسىندا تۇسىرىلگەن بەينەنى قاراۋ كەزىندە سۋديا بىرنەشە دەرەك تاپقان. بارلىق جازبالار بيشىمباەۆتىڭ ايەلىنە: «رايىمبەك باتالوۆپەن جاتتىڭ با؟» دەگەن سۇراقپەن باستالعانى انىقتالعان.
