Kásipker Raıymbek Batalov Qýandyq Bıshimbaevtyń sotta keltirgen sózderine qatysty pikir bildirdi, dep habarlaıdy "Adyrna" tilshisi.
Onyń vıdeosy áleýmettik jelide tarady. Ol Bıshimbaevtyń "Saltanat Núkenova men Batalov arasyndaǵy mahabbatyna" baılanysty óz sózin aıtty.
«Sońǵy ýaqytqa deıin men Bıshimbaevtyń sot otyrysynyń taqyrybyna túsinikteme bergim kelmedi, biraq meniń aty-jónime jaǵylǵan sumdyq kirden keıin úndeý jarııalaýyma týra keldi. Aýyr qylmys jasady dep aıyptalǵan adamnyń men týraly aıtqany sandyraq ekenin aıtqym keledi. Bul essiz ótirik. Bul ótirikke senbeýge shaqyramyn. BAQ ókilderi men blogerler jalǵan aqparat taratpaýyn suraımyn. Osyndaı qaıǵyǵa dýshar bolǵan januıasy men dostarynyń marqum qyzdarynyń aryn qorǵaýǵa májbúr bolǵany ókinishti. Núkenovterdiń otbasyna shyn júrekten kóńil aıtamyn", - degen kásipker.
22 sáýir kúni Saltanat Núkenovanyń ólimine qatysty sot otyrysynda sottalýshy Qýandyq Bıshimbaevtyń uıaly telefonyna saraptama jasalǵan. Telefondaǵy 2023 jyldyń 9 qarashasynda túsirilgen beıneni qaraý kezinde sýdıa birneshe derek tapqan. Barlyq jazbalar Bıshimbaevtyń áıeline: «Raıymbek Batalovpen jattyń ba?» degen suraqpen bastalǵany anyqtalǵan.
